ଟାଇମ ମାଗାଜିନରେ ଦୌଡରାଣୀ ଦୂତୀ, ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ପ୍ରସିଦ୍ଧ ଟାଇମ ମାଗାଜିନର 'ଟାଇମ ନେକ୍ସଟ 100' ପ୍ରଭାବଶାଳୀ ବ୍ୟକ୍ତିଙ୍କ ତାଲିକାରେ ଓଡିଆ ଧାବିକା ଦୂତୀ ଚାନ୍ଦ ସ୍ଥାନ ପାଇବା ପରେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି ଦୂତୀଙ୍କୁ ଶୁଭେଚ୍ଛା ଜଣାଇଛନ୍ତି ।

ଭୁବନେଶ୍ବର: ଓଡିଶା କ୍ରୀଡା ଜଗତ ପାଇଁ ଖୁସି ଖବର । ପ୍ରସିଦ୍ଧ ଟାଇମ ମାଗାଜିନରେ 'ଟାଇମ ନେକ୍ସଟ 100' ପ୍ରଭାବଶାଳୀ ବ୍ୟକ୍ତିଙ୍କ ତାଲିକା ପ୍ରକାଶ ପାଇଛି । ଏହି ତାଲିକାରେ ଓଡିଆ ଧାବିକା ଦୂତୀ ଚାନ୍ଦ ସ୍ଥାନ ପାଇଛନ୍ତି ।

ଫଟୋ ସୌଜନ୍ୟ: twitter@Naveen_Odisha

ଏହାପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ କରି ଦୁତୀଙ୍କୁ ଶୁଭେଚ୍ଛା ଜଣାଇଛନ୍ତି । ଏଥିସହିତ ଦୂତୀ ବିଶ୍ବ ଦରବାରରେ ଓଡିଶାର ଗୌରବ ବଢାଇଥିବା କହିଛନ୍ତି ।

ଏହି ତାଲିକାରେ ବ୍ୟବସାୟ, ମନୋରଞ୍ଜନ, କ୍ରୀଡା, ରାଜନୀତି, ସ୍ବାସ୍ଥ୍ୟ ଏବଂ ଅନ୍ୟାନ୍ୟ କ୍ଷେତ୍ରରେ ଉଲ୍ଲେଖନୀୟ କାର୍ଯ୍ୟ କରିଥିବା ବିଶ୍ବର 100ଜଣ ବ୍ୟକ୍ତତ୍ବଙ୍କୁ ସ୍ଥାନ ପାଇଛନ୍ତି । ନଭେମ୍ବର 25ରେ ଟାଇମ ମାଗାଜିନର 25ତମ ସଂସ୍କରଣରେ ଏହି ତାଲିକା ପ୍ରକାଶ ପାଇବ ।