ମୁମ୍ବାଇ: ଷ୍ଟାର କବାଡି ଖେଳାଳି ପବନ ସେରାୱତ ନିଜର ଆଦର୍ଶ ଖେଳାଳିଙ୍କ ନାମ ଖୁଲାସା କରିଛନ୍ତି । ପବନ କହିଛନ୍ତି, କବାଡି ବ୍ୟତୀତ କୁସ୍ତିଯୋଦ୍ଧା ସୁଶୀଲ କୁମାର ତାଙ୍କର ଆଦର୍ଶ ଖେଳାଳି । ତେବେ କବଡି ଦୁନିଆରେ ମଞ୍ଜିତ ଛିଲର ଓ ରାକେଶ କୁମାର ଅଧିକ ଅନୁପ୍ରାଣିତ କରିଛନ୍ତି ।
ପ୍ରୋ-କବାଡିର 3ୟ ସଂସ୍କରଣରେ ବେଙ୍ଗାଲୁରୁ ବୁଲ୍ସ ପକ୍ଷରୁ ପବନ ଡେବ୍ୟୁ କରିଥିଲେ । ପ୍ରତିପକ୍ଷ ଖେଳାଳିଙ୍କ ଉପର ଦେଇ ଲମ୍ଫ ପ୍ରଦାନ କରିବା( ହାଇ-ଫ୍ଳାୟାର) ପାଇଁ ସେ ବେଶ ଜଣାଶୁଣା । 45 ପଏଣ୍ଟ ସହ ବୁଲ୍ସ ପକ୍ଷରୁ ସେ ସର୍ବାଧିକ ପଏଣ୍ଟ ହାସଲକାରୀ ଖେଳାଳି ହୋଇଥିଲେ । ଏହାପରେ 4ର୍ଥ ସଂସ୍କରଣରେ ପୂର୍ବପରି ପ୍ରଭାବି ପ୍ରଦର୍ଶନ କରିପାରିନଥିଲେ ରେଡର ପବନ ।
5ମ ସଂସ୍କରଣରେ ଗୁଜୁରାଟ ଫର୍ଚ୍ୟୁନ ଜିଆଣ୍ଟସ ପକ୍ଷରୁ ଖେଳିଥିଲେ । ତେବେ ଷଷ୍ଠ ସଂସ୍କରଣରେ ପୁନର୍ବାର ବେଙ୍ଗାଲୁରୁ ବୁଲ୍ସ ଟିମକୁ ଫେରି ଦମଦାର ପ୍ରଦର୍ଶନ କରିଥିଲେ । ଏକାଧିକ ମ୍ୟାଚ ବିଜୟରେ ପ୍ରମୁଖ ଭୁମିତା ଗ୍ରହଣ କରିଥିଲ । ତାମିଲ ତାଲାଇଭାସ ବିପକ୍ଷରେ 20 ରେଡ ପଏଣ୍ଟ ତାଙ୍କୁ ସ୍ବତନ୍ତ୍ର କରିଥିଲା । ଏହି ସଂସ୍କରଣରେ ବେଙ୍ଗାଲୁରୁ ବୁଲ୍ସ ପ୍ରୋ-କବାଡି ଲିଗ ଟାଇଟେଲ ଜିତିବାରେ ସଫଳ ହୋଇଥିଲା ।
