ନୂଆଦିଲ୍ଲୀ: ଏସିଆନ କୁସ୍ତି ଚମ୍ପିଆନସିପରେ ଭାରତର କୁସ୍ତି ଯୋଦ୍ଧା ସୁନୀଲ କୁମାର ରଚିଲେ ଇତିହାସ । 27ବର୍ଷ ପରେ ଗ୍ରିକୋ ରୋମନ ବର୍ଗରେ ଭାରତ ଜିତିଛି ପ୍ରଥମ ସ୍ବର୍ଣ୍ଣ ପଦକ ।
ମଙ୍ଗଳବାର 87 କିଗ୍ରା ବର୍ଗ ଫାଇନାଲରେ କିର୍ଗିସ୍ଥାନର ଅଜାତ ସାଲିଦିନୋଓ୍ବଙ୍କୁ 5-0ରେ ପରାସ୍ତ କରିଛନ୍ତି ଭାରତର କୁସ୍ତି ଯୋଦ୍ଧା ସୁନୀଲ କୁମାର । ସୂଚନାଥାଉକି 1993 ମସିହାରେ ପପ୍ପୁ ଯାଦବ ଭାରତ ପାଇଁ ସ୍ବର୍ଣ୍ଣ ଜିଣିଥିଲେ ।
2019ରେ ଏହି ପ୍ରତିଯୋଗୀତାର ଫାଇନାଲରେ ପରାଜୟ ହୋଇ ରୌପ୍ୟ ପଦକରେ ସନ୍ତୁଷ୍ଟ ହୋଇଥିଲେ ।
ଆଉ ଜଣେ ଭାରତୀୟ ଅର୍ଜୁନ ହଲାକୁର୍କି ଗ୍ରୀକ ରୋମନ ବର୍ଗର 55 କିଗ୍ରାରେ କାଂସ୍ୟ ପଦକ ଜିଣିଛନ୍ତି । ଅର୍ଜୁନଙ୍କ ଏହା ପ୍ରଥମ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟରେ ପ୍ରଥମ ପଦକ ।
