ସିଡନୀ: ଅଷ୍ଟ୍ରେଲିଆର ରାଜ୍ୟ ଭିକ୍ଟୋରିଆ ମଙ୍ଗଳବାର 2021 ଫର୍ମୁଲା 1 ଅଷ୍ଟ୍ରେଲିଆନ ଗ୍ରାଣ୍ଡ ପ୍ରିକ୍ସ ଓ ଅଷ୍ଟ୍ରେଲିଆନ ମୋଟୋଜିପି ବାତିଲ ଘୋଷଣା କରିଛି । ଧୀମା ଟିକାକରଣ ଯୋଗୁଁ ରାଜ୍ୟରେ ଏହି ମେଗା ଇଭେଣ୍ଟ ଆୟୋଜନ ସମ୍ଭବ ନୁହେଁ ବୋଲି ଦର୍ଶାଯାଇଛି ।
F1 ଗ୍ରାଣ୍ଡ ପ୍ରିକ୍ସ ମେଲବର୍ଣ୍ଣର ଆଲବର୍ଟ ପାର୍କରେ ମାର୍ଚ୍ଚରେ ଆୟୋଜନ ହେବାର ଥିଲା । ତେବେ ପରେ ଏହି ମେଗା ଇଭେଣ୍ଟକୁ ନଭେମ୍ବରକୁ ସ୍ଥଗିତ କରାଯାଇଥିଲା ।
ଅଷ୍ଟ୍ରେଲିଆନ ଗ୍ରାଣ୍ଡ ପ୍ରିକ୍ସ କର୍ପୋରେସନ(APGC) ମଙ୍ଗଳବାର ଅପରାହ୍ନରେ ଇଭେଣ୍ଟ ବାତିଲ ନେଇ ଘୋଷଣା କରିଛି ।
ତେବେ କ୍ରମାଗତ ଦ୍ବିତୀୟ ବର୍ଷ ପାଇଁ ମେଗା ରେସ୍ ଇଭେଣ୍ଟ ବାତିଲ ହେଉଥିବାରୁ APGC ଚେୟାରମ୍ୟାନ ପଲ ଲିଟଲ ଅସନ୍ତୋଷ ପ୍ରକାଶ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
