ଭୁବନେଶ୍ବର: କ୍ରିକେଟ ବିଶ୍ବକପରେ ଦକ୍ଷିଣ ଆଫ୍ରିକା ଦଳ 2ୟ ପରାଜୟ ବରଣ କରିଥିବା ବେଳେ ଦେଶର ହକି ଦଳ ପୁରୁଷ FIH ହକି ସିରିଜ ଫାଇନାଲ୍ସ ପାଇଁ ଓଡିଶାରେ ପହଞ୍ଚିଛି । ରାତି 9ଟାରେ ସ୍ଥାନୀୟ ବିମାନବନ୍ଦରରେ ପହଞ୍ଚିଛି ଦଳ । ହକି ବିଶ୍ୱକପ ପରେ ପୁଣି ଥରେ ଓଡିଶା ଆସିଥିବାରୁ ବେଶ ଭଲ ଲାଗୁଥିବା କହିଛନ୍ତି ଦଳର ଅଧିନାୟକ ଟିମ୍ ଦୃମୋଣ୍ଡ ।
ତେବେ ଆଉ ଅଳ୍ପ ସମୟ ଥିବାରୁ ଆଜି ବିଶ୍ରାମ ନେବା ପରେ ଆସନ୍ତାକାଲିଠାରୁ ଅଭ୍ୟାସ ଆରମ୍ଭ କରାଯିବା ବୋଲି କହିଛନ୍ତି ଦଳର ଅଧିନାୟକ । ଦଳ କେବେ ହେଲେ ବି ଅଲମ୍ପିକ ମେଡାଲ ହାସଲ କରି ନଥିବା ବେଳେ ତାକୁ ଫୋକ୍ସରେ ରଖି ଏହି ପ୍ରତିଯୋଗିତାର ପ୍ରତି ମ୍ୟାଚର ପିଛା କରି ଖେଳିବାକୁ କହିଛନ୍ତି ଅଧିନାୟକ । ପ୍ରତିଯୋଗିତାରେ ତାଙ୍କ ଠାରୁ ଜାପାନ ଓ ଭାରତ ଭଳି ବିଶ୍ଵମାନ୍ୟତାରେ ଉଚ୍ଚରେ ଥିବା ଦଳ ରହିଥିବା ବେଳେ ଫାଇନାଲ୍ସରେ ଭାରତ ସହ ଖେଳିବାକୁ ସେ ଆଶା ରଖିଥିବା କହିଛନ୍ତି ।
ସୂଚନାଯୋଗ୍ୟ କି ଆସନ୍ତା 6 ତାରିଖରୁ ଆରମ୍ଭ ହେବାକୁ ଥିବା ଏହି ପ୍ରତିଯୋଗିତା ପାଇଁ ଅନ୍ୟ ସବୁ ବିଦେଶୀ ଦଳ ଆସି ସାରିଥିବା ବେଳେ ଆସନ୍ତାକାଲି ରାତି 8ଟାରେ ମେକ୍ସିକୋ ଟିମ ପହଞ୍ଚିବ ବୋଲି ସୂଚନା ମିଳିଛି ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
