ବେଙ୍ଗାଲୁରୁ: ଟୋକିଓରେ 17 ଅଗଷ୍ଟରୁ ଆରମ୍ଭ ହେବ ଅଲମ୍ପିକ ଟେଷ୍ଟ ପ୍ରତିଯୋଗିତା । ଏଥିପାଇଁ ଭାରତୀୟ ପୁରୁଷ ଓ ମହିଳା ହକି ଟିମ୍ ଟୋକିଓକୁ ଉଡାଣ ଭରିଛନ୍ତି । ଉଭୟ ପୁରୁଷ ଓ ମହିଳା ଟିମ୍ ଚଳିତବର୍ଷ ଅଲମ୍ପିକ କ୍ବାଲିଫାଇଂ ପ୍ରତିଯୋଗିତାରେ ଅଂଶ ଗ୍ରହଣ କରିବେ ।
ଭାରତୀୟ ମହିଳା ହକି ଦଳ ଅଷ୍ଟ୍ରେଲିଆ, ଚୀନ ଓ ଜାପାନ ବିପକ୍ଷରେ ଖେଳିବ । ଅନ୍ୟପକ୍ଷରେ ପୁରୁଷ ହକି ଦଳ ଜାପାନ, ନ୍ୟୁଜିଲାଣ୍ଡ ଓ ମାଲେସିଆ ସହ ମୁହାଁମୁହିଁ ହେବ ।
ଭାରତୀୟ ପୁରୁଷ ଟିମର ଅଧିନାୟକ ହରମନପ୍ରୀତ ସିଂ କହିଛନ୍ତି ଯେ, ଆଶା କରୁଛି ଯୁବ ଖେଳାଳୀଙ୍କ ପାଇଁ ଏହି ଟୁର୍ଣ୍ଣାମେଣ୍ଟ ଖାସ୍ ରହିବ । କାରଣ ଅଲମ୍ପିକ କ୍ବାଲିଫାୟରଙ୍କ ନଜର ଆମମାନଙ୍କ ଉପରେ ରହିବ ।
ଏଥିସହ ସେ କହିଛନ୍ତି ଯେ, ଟେଷ୍ଟ ପ୍ରତିଯୋଗିତାରେ ଟିମକୁ ଟୋକିଓର ପରିସ୍ଥିତିକୁ ବୁଝିବାକୁ ସମୟ ମିଳିବ । କାରଣ ଆଗାମୀ ଅଲମ୍ପିକ ଟୋକିଓରେ ଅନୁଷ୍ଠିତ ହେବ ।
ମହିଳା ଟିମର ଅଧିନାୟକ ରାନୀ କହିଛନ୍ତି ଯେ, ଟିମର ଲକ୍ଷ୍ୟ ଅଷ୍ଟ୍ରେଲିଆକୁ ମାତ୍ ଦେବା । ପ୍ରାୟ ବର୍ଷେ ହେବ ଜାପାନ ଓ ଚୀନ ବିପକ୍ଷରେ ଆମ ଦଳ ଭଲ ପ୍ରଦର୍ଶନ କରୁଛି ।
ଟୋକିଓ ଅଲମ୍ପିକ ଟେଷ୍ଟ ଇଭେଣ୍ଟ ସୂଚୀ:-
ଶନିବାର, 17 ଅଗଷ୍ଟ
- ଭାରତ(ମହିଳା) ବନାମ ଜାପାନ(ମହିଳା)-ସକାଳ 8.15
- ଭାରତ(ପୁରୁଷ) ବନାମ ମଲେସିଆ(ପୁରୁଷ)- ଦିନ 3ଟା
ରବିବାର,18 ଅଗଷ୍ଟ
- ଭାରତ(ମହିଳା) ବନାମ ଅଷ୍ଟ୍ରେଲିଆ(ମହିଳା)-ସକାଳ 6ଟା
- ଭାରତ(ପୁରୁଷ) ବନାମ ନ୍ୟୁଜିଲାଣ୍ଡ(ପୁରୁଷ)- ଦିନ 3ଟା30
ମଙ୍ଗଳବାର, 20 ଅଗଷ୍ଟ
- ଭାରତ(ମହିଳା) ବନାମ ଚୀନ(ମହିଳା)-ସନ୍ଧ୍ୟା 4ଟା15
- ଭାରତ(ପୁରୁଷ) ବନାମ ମଲେସିଆ(ପୁରୁଷ)- ସକାଳ 8ଟା 15
ବୁଧବାର, 21ଅଗଷ୍ଟ
- ପୁରୁଷ -ପୁଲରେ 3ୟ ସ୍ଥାନ ବନାମ ପୁଲରେ 4ର୍ଥ ସ୍ଥାନ- ସକାଳ 6ଟା
- ପୁରୁଷ -ପୁଲରେ1ମ ସ୍ଥାନ ବନାମ ପୁଲରେ 2ୟ ସ୍ଥାନ-ସକାଳ 8.30
- ମହିଳା-ପୁଲରେ 3ୟ ସ୍ଥାନ ବନାମ ପୁଲରେ 4ର୍ଥ ସ୍ଥାନ- ସକାଳ 6ଟା
- ମହିଳା -ପୁଲରେ1ମ ସ୍ଥାନ ବନାମ ପୁଲରେ 2ୟ ସ୍ଥାନ-ସକାଳ 8.30
