ଭୁବନେଶ୍ବର: ଗତ କିଛି ବର୍ଷ ହେବ ଭାରତୀୟ ହକିର ପ୍ରଚାର ଓ ପ୍ରସାରକୁ ନେଇ ଓଡିଶା ସରକାରଙ୍କ ପକ୍ଷକୁ ଅତୁଳନୀୟ ପଦକ୍ଷେପ ନିଆଯାଇଛି । କେବଳ ଭାରତରେ ନୁହେଁ ଅନ୍ତର୍ଜାତୀୟ ସ୍ତରରେ ହକିକୁ ବେଶ୍ ପ୍ରସାର କରିଛନ୍ତି । ଓଡିଶା ସରକାରଙ୍କ ଏହି ଗୁରୁତ୍ବପୂର୍ଣ୍ଣ ଅବଦାନକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ 'ଏଫ୍ଆଇଏଚ୍ ପ୍ରେସିଡେଣ୍ଟସ ଆଓ୍ବାର୍ଡ' ମିଳିଛି । ଏଫ୍ଆଇଏଚ ସଭାପତି ନରିନ୍ଦ୍ରର ବାତ୍ରା ମୁଖ୍ୟମନ୍ତ୍ରୀଙ୍କୁ ଅନ୍ତର୍ଜାତୀୟ ହକି ମହାସଂଘ(ଏଫଆଇଏଚ)ର ଏହି ସମ୍ମାନଜନକ ପୁରସ୍କାର ପ୍ରଦାନ କରିଥିଲେ ।
ପୁରୁଷ ବିଶ୍ବ କପ, ଏଫ୍ଆଇଏଚ୍ ବିଶ୍ବ ହକି ଲିଗ୍, ଚମ୍ପିଆନ୍ସ ଟ୍ରଫି ଭଳି ଟୁର୍ଣ୍ଣାମେଣ୍ଟର ସଫଳ ଆୟୋଜନ କରିଥିବାରୁ 2018ରେ ଏଫଆଇଏଚ୍ ପକ୍ଷରୁ ଓଡିଶା ସରକାରଙ୍କୁ ଏହି ସମ୍ମାନଜନକ ଜନକ ପୁରସ୍କାର ପାଇଁ ମନୋନୀତ କରାଯାଇଥିଲା।
