ଭୁବନେଶ୍ବର: ଏଫ୍ଆଇଏଚ୍ ପ୍ରୋ ଲିଗ୍ରେ ଭାରତର ବିଜୟ ଧାରା ଜାରି । କଳିଙ୍ଗ ଷ୍ଟାଡିୟମରେ 2-1ଗୋଲ୍ରେ ବିଶ୍ବର ନଂ1 ବେଲଜିୟମ ଟିମ୍କୁ ଭାରତ ପରାସ୍ତ କରିଛି । ଏହି ବିଜୟ ପରେ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭାରତୀୟ ହକି ଖେଳାଳିଙ୍କୁ ଅଭିନନ୍ଦନ ଜଣାଇଛନ୍ତି ।
ଏଥିସହ ବିଜୟଧାରା ବଜାୟ ରଖିବା ସହ ପରବର୍ତ୍ତି ମ୍ୟାଚ ପାଇଁ ଗୁଡ ଲକ୍ ଜଣାଇଛନ୍ତି ମୁଖ୍ୟମନ୍ତ୍ରୀ । ବେଲଜିୟମ ବିପକ୍ଷରେ ଭାରତ ପକ୍ଷରୁ ମନନ୍ଦୀପ ସିଂ ଓ ରମଣଦୀପ ସିଂ ଉଭୟ ଗୋଟିଏ ଲେଖାଏଁ ଗୋଲ୍ କରିଥିଲେ । ଏଥିସହ କେନ୍ଦ୍ର କ୍ରୀଡା ମନ୍ତ୍ରୀ କିରଣ ରିଜ୍ଜିଜୁ ବି ଟ୍ବିଟ କରି ଅଭିନନ୍ଦନ ଜଣାଇଛନ୍ତି । ରବିବାର ଦିନ ପୁଣି ଉଭୟ ଦେଶ ମଧ୍ୟରେ 2ୟ ମ୍ୟାଚ ଖେଳାଯିବ ।
ବ୍ୟୁରୋ ରିପୋର୍ଟ, ଇଟିଭି ଭାରତ
