ନୂଆଦିଲ୍ଲୀ: FIH ପ୍ଲେଆର ଅଫ ଦି ଇଅର ଭାବେ ମନୋନୀତ ହୋଇଛନ୍ତି ଭାରତୀୟ ହକି ଦଳର କ୍ୟାପଟେନ ମନପ୍ରୀତ ସିଂହ । ଟିମ ଇଣ୍ଡିଆର ଏହି ଖେଳାଳି ଜଣେ ଦକ୍ଷ ମିଡଫିଲ୍ଡର । ଟୋକିଓ ଅଲମ୍ପିକରେ ଭାରତୀୟ ଦଳ ଯୋଗ୍ୟତା ହାସଲ କରିଛି । ଅଲମ୍ପିକରେ ମନପ୍ରୀତ ସିଂହ ଭାରତୀୟ ହକି ଦଳର ନେତୃତ୍ବ ନେବେ ।
27 ବର୍ଷୀୟ ମନପ୍ରୀତଙ୍କୁ ଆନ୍ତଜାର୍ତିୟ ହକି ଫେଡେରେସନ(FIH) ପକ୍ଷରୁ ଭାରତୀୟ ଦଳ ଅଲମ୍ପିକ ପାଇଁ ଯୋଗ୍ୟତା ହାସଲ ପରେ ଏହି ସମ୍ମାନ ପାଇଁ ମନୋନୀତ କରିଛି । ମନପ୍ରୀତଙ୍କ ନେତୃତ୍ବରେ ଭାରତ ଭୁବନେଶ୍ବର କଳିଙ୍ଗ ଷ୍ଟାଡିୟମରେ 11-3 ଗୋଲ ହାରରେ ରୁଷିଆକୁ ହରାଇ ଅଲମ୍ପିକ ଟିକେଟ ହାତେଇଥିଲା ।
ଅନ୍ୟତମ ମିଡଫିଲ୍ଡର ବିବେକ ପ୍ରସାଦଙ୍କୁ ପୁରୁଷ FIH ରାଇଜିଂ ଷ୍ଟାର ଅଫ ଦି ଇୟର ଓ ଲାଲ୍ରେସିଆମିଙ୍କୁ ମହିଳା FIH ରାଇଜିଂ ଷ୍ଟାର ଅଫ ଦି ଇୟର ଆୱାର୍ଡ ପାଇଁ ମନୋନୀତ କରାଯାଇଛି ।
