ଅକଲାଣ୍ଡ: ନ୍ୟୁଜିଲାଣ୍ଡ ଉପରେ ଚାଲିଛି ଭାରତର ରାଜ । ଶୁକ୍ରବାର ବିରାଟ ବାହିନୀ ନ୍ୟୁଜିଲାଣ୍ଡକୁ 6 ୱିକେଟରେ ମାତ ଦେଇଥିବା ବେଳେ ପରଦିନ ଅର୍ଥାତ ଶନିବାର ମହିଳା ହକି ଟିମ ମଧ୍ୟ କିୱି ଟିମକୁ 4-0ରେ ମାତ ଦେଇଛି । କେବଳ ସେତିକି ନୁହେଁ ଅଣ୍ଡର-19 ବିଶ୍ବକପରେ ମଧ୍ୟ ଶୁକ୍ରବାର ନ୍ୟୁଜିଲାଣ୍ଡକୁ 44 ରନରେ ପରାଜିତ କରି କ୍ବାର୍ଟର ଫାଇନାଲରେ ପ୍ରବେଶ କରିଛି ଭାରତ ।
ଭାରତୀୟ ହକି ଦଳର ଅଧିନାୟକ ରାନୀ ରାମପାଲଙ୍କ ଦୁଇଟି ଗୋଲ ବଳରେ ଶନିବାର ନ୍ୟୁଜିଲାଣ୍ଡ ଡେଭେଲପମେଣ୍ଟ ଟିମକୁ 4-0 ଗୋଲରେ ପରାସ୍ତ କରିଥିଲା । ବିଜୟ ସହ ଅଲମ୍ପିକ ବର୍ଷର ଆରମ୍ଭ କରିଛି ଟିମ ।
ରାନୀଙ୍କ ଦୁଇଟି ଗୋଲକୁ ଛାଡି ଶର୍ମିଲା ଓ ନମିତା ଟପ୍ପୋ ମଧ୍ୟ ଗୋଟିଏ ଗୋଟିଏ ଗୋଲ କରିଥିଲେ । ଭାରତୀୟ ଟିମ ଗୁରୁବାର ନ୍ୟୁଜିଲାଣ୍ଡରେ ପହଁଞ୍ଚିଥିଲା । ଆୟୋଜକ ଦଳ ସହ 4ଟି ମ୍ୟାଚ ଖେଳିବ ଭାରତୀୟ ଟିମ । ଏହାସହ ଗୋଟିଏ ମ୍ୟାଚ ବ୍ରିଟେନ ସହ ମଧ୍ୟ ଖେଳିବ।
ବ୍ୟୁରୋ ରିପୋର୍ଟ, ଇଟିଭି ଭାରତ
