ଭୁବନେଶ୍ବର: ଜୁନିଅର ପୁରୁଷ ବିଶ୍ବକପର ଚତୁର୍ଥ ଦିନରେ ତୃତୀୟ ମ୍ୟାଚକୁ ନିଜ ନାମରେ କରିଛି ମାଲେସିଆ । ଦକ୍ଷିଣ ଆଫ୍ରିକାକୁ ୪-୩ ରେ ମାତ୍ ଦେବା ସହ କ୍ବାର୍ଟର-ଫାଇନାଲ ନିକଟତର ହୋଇଛି ଟିମ ମାଲେସିଆ । ଉଭୟ ଦଳର ଗୋଲ୍ ସମାନ ଥିବା ବେଳେ ପେନାଲିଟି କର୍ଣ୍ଣରରେ ମାଲସିଆ ଗୋଲ୍ କରିବା ସହ ମ୍ୟାଚ୍କୁ ବାଜିମାତ କରିଥିଲା ।
ମାଲେସିଆ ତରଫରୁ ମ୍ୟାଚ୍ର ୨୯ ମିନିଟରେ ପ୍ରଥମ ଗୋଲ ଦେଇଥିଲେ ଖାଲିଦ ମୁହମ୍ମଦ । ପରେ ୪୧ତମ ମିନିଟରେ କାମରୁଦ୍ଦିନ କାମରୁଲଜ଼ାମାନ, ୪୯ତମ ମିନିଟରେ ଶାମସୁଲ ଶାମୀର ଓ ୫୬ତମ ମିନିଟରେ ମୋହରମ ମୁହିବଦ୍ଦିନ ଗୋଲ୍ ସ୍କୋର କରିଥିଲେ ।
ଏହା ମଧ୍ୟ ପଢନ୍ତୁ: Junior Hockey WC: ଆର୍ଜେଣ୍ଟିନାକୁ ମାତ ଦେଇ କ୍ବାର୍ଟରରେ ଜର୍ମାନୀ
ଅନ୍ୟପଟେ ଦକ୍ଷିଣ ଆଫ୍ରିକା ପକ୍ଷରୁ ମ୍ୟାଚ୍ର ୩୪ତମ ମିନିଟରେ ପ୍ରଥମ ଗୋଲ କରିଥିଲେ ଅଧିନାୟକ ମୋର୍ଗନ ଗୁୟ । ପରେ ୪୮ତମ ଓ ୫୪ତମ ମିନିଟରେ କ୍ୟାମ୍ପବେଲ୍ଲ ଜାରେଡ ୨ଟି ଗୋଲ୍ କରିଥିଲେ । ଚିଲି ଓ ବେଲଜିୟମ ମଧ୍ୟରେ ଦିନର ଚତୁର୍ଥ ମ୍ୟାଚ୍ ରହିଛି ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ
