ହାଇଦ୍ରାବାଦ: କ୍ରିକେଟ, ଫୁଟବଲ ଟେନିସ ପରେ ଏବେ ହକି ଉପରେ ପଡିଲା କୋରୋନା ଭାଇରସର ପ୍ରଭାବ । ଶନିବାର ଅନ୍ତର୍ଜାତୀୟ ହକି ପରିଷଦ ଚଳିତ FIH ହକି ପ୍ରୋ ଲିଗକୁ ଆସନ୍ତା ଏପ୍ରିଲ 15 ତାରିଖ ଯାଏ ସ୍ଥଗିତ ରଖିଛି ।
ସମସ୍ତ ନିଷ୍ପତ୍ତି ବିଶ୍ବ ସ୍ବାସ୍ଥ୍ୟ ସଂଗଠନର ନିର୍ଦ୍ଦେଶନାମକୁ ଦୃଷ୍ଟିରେ ରଖି ନିଆଯାଇଛି ବୋଲି ଏଫଆଇଏଚ କହିଛି । ପ୍ରକାଶ ପାଇଥିବା ପ୍ରେସ ବିଜ୍ଞପ୍ତିରେ ଲେଖାଯାଇଛି, ’ସମସ୍ତ ଖେଳାଳି ତଥା ଅଫିଆଲ୍ସଙ୍କ ସୁରକ୍ଷାକୁ ଦୃଷ୍ଟିରେ ରଖି ଚଳିତ ହକି ପ୍ରୋ ଲିଗକୁ ଆସନ୍ତା ଏପ୍ରିଲ ତାରିଖ ପର୍ଯ୍ୟନ୍ତ ସ୍ଥଗିତ ରଖାଯାଉଛି ।
ସୂଚନାଥାଉ କି, ଚଳିତ ସଂସ୍କରଣରେ ଉଲ୍ଲେଖନୀୟ ପ୍ରଦର୍ଶନ କରିଥିବା ଭାରତୀୟ ଦଳ ଆସନ୍ତା ଏପ୍ରିଲ 25-26 ରେ ଜର୍ମାନୀ ସହ ମ୍ୟାଚ ଖେଳିବାର ଯୋଜନା ରହିଥିଲା । ଯାହା କି ବର୍ଲିନରେ ଖେଳାଯାଇଥାନ୍ତା । ସେହପରି ଆସନ୍ତା ମେ 23 ଓ 24 ତାରିଖରେ ଦଳ ତାର ଘରୋଇ ଷ୍ଟାଡିୟମ (ଭୁବନେଶ୍ବର ସ୍ଥିତ କଳିଙ୍ଗ ଷ୍ଟାଡିୟମ)ରେ ମ୍ୟାଚ ଖେଳିବାର କାର୍ଯ୍ୟକ୍ରମ ରହିଥିଲା । ଯାହା ଦଳ ନ୍ୟୁଜିଲାଣ୍ଡ ବପକ୍ଷରେ ଖେଳିଥାନ୍ତା ।
