ନୂଆଦିଲ୍ଲୀ: ହକି ଇଣ୍ଡିଆ ପକ୍ଷରୁ ରବିବାର ଗୁରୁତ୍ବପୂର୍ଣ୍ଣ ଘୋଷଣା । ଜାନୁଆରୀ 29ରୁ ରାଜଧାନୀ ଦିଲ୍ଲୀ ସହ ଭୁବନେଶ୍ବରରେ ଆୟୋଜିତ ହେବ ହକି ଇଣ୍ଡିଆ Level 1 କୋଚିଂ କୋର୍ସ । ଆଗ୍ରହୀଙ୍କ ଆବେଦନକାରୀଙ୍କ ପାଇଁ ଅନଲାଇନରେ ରହିଛି ପଞ୍ଜୀକରଣ ବ୍ୟବସ୍ଥା ।
ନୂଆଦିଲ୍ଲୀରେ ଜାନୁଆରୀ 29ରୁ ଫେବୃଆରୀ 1 ଓ ଭୁବନେଶ୍ବରରେ ଫେବୃଆରୀ 3ରୁ 6 ପର୍ଯ୍ୟନ୍ତ ହକି ଇଣ୍ଡିଆ ପକ୍ଷରୁ ଏହି ଲେଭଲ1 କୋଚିଂ ଏଜୁକେସନ ଆୟୋଜିତ ହେବ ।
ତେବେ ସମସ୍ତ ଆବେଦନକାରୀଙ୍କୁ କୋର୍ସ ପାଇଁ ଭେନ୍ୟୁରେ ପହଞ୍ଚିବାର 72 ଘଣ୍ଟା ମଧ୍ୟରେ କୋଭିଡ-19 RT-PCR ନେଗେଟିଭ ରିପୋର୍ଟ ଦେବାକୁ ହେବ । ତେବେ ମାତ୍ର 120ଟି ସ୍ଥାନ ରହିଥିବା ହକି ଇଣ୍ଡିଆ ପକ୍ଷରୁ ସ୍ପଷ୍ଟ କରାଯାଇଛି ।
ସମସ୍ତ 120ଜଣଙ୍କୁ 4ଟି ବ୍ୟାଚରେ ବିଭକ୍ତ କରାଯିବ । ପ୍ରତ୍ୟେକ ବ୍ୟାଚରେ 30 ଜଣ ରହିବେ ଓ ପ୍ରଥମ ଓ ଦ୍ବିତୀୟ ବ୍ୟାଚ ନୂଆଦିଲ୍ଲୀରେ ଯଥାକ୍ରମେ ଜାନୁଆରୀ 29ରୁ 30 ଓ ଜାନଆରୀ 31ରୁ ଫେବୃଆରୀ 1 ପର୍ଯ୍ୟନ୍ତ ଭାଗ ନେବେ ।
ପରେ ତୃତୀୟ ବ୍ୟାଚ ଭୁବନେଶ୍ବରରେ ଫେବୃଆରୀ 3 ଓ 4, 4ର୍ଥ ବ୍ୟାଚ ଫେବୃଆରୀ 5, 6ରେ ଭାଗ ନେବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
