ହାଇଦ୍ରାବାଦ: ଟୋକିଓ ଅଲମ୍ପିକ ଟେଷ୍ଟ ହକିର ଆସନ୍ତାକାଲି ଖେଳାଯିବ ଫାଇନାଲ୍ ମ୍ୟାଚ । ତେବେ ଆସନ୍ତୁ ନଜର ପକାଇବା ପୁରୁଷ ହକି ଦଳର ପଏଣ୍ଟ ଟେବୁଲ ଉପରେ ।
ପଏଣ୍ଟ ଟେବୁଲ ଶୀର୍ଷରେ ନ୍ୟୁଜିଲାଣ୍ତ 9 ପଏଣ୍ଟ ସହ ଶୀର୍ଷରେ ରହିଛି । 2ୟ ସ୍ଥାନରେ ଭାରତ 6 ଅଙ୍କ ସହ ନ୍ୟୁଜିଲାଣ୍ତ ପଛରେ ରହିଛି । 3ୟ ଓ 4ର୍ଥ ସ୍ଥାନ ଯଥାକ୍ରମେ ଜାପାନ ଓ ମାଲେସିଆ ଦଳ ରହିଛନ୍ତି । ଆୟୋଜକ ଦଳ ଜାପାନ 3 ପଏଣ୍ଟ ହାସଲ କରିଛି । ମାଲେସିଆ ଏହି ଟୁର୍ଣ୍ଣାମେଣ୍ଟରେ ସମସ୍ତ ମ୍ୟାଚରେ ପରାଜୟର ସ୍ବାଦ ଚାଖିଛି ।
ସୂଚନାଥାଉକି, ଭାରତ ତା'ର ପ୍ରଥମ ମ୍ୟାଚରେ ମାଲେସିଆକୁ 6-0ରେ ମାତ୍ ଦେଇଥିଲା । ଏହାପରେ 18 ଅଗଷ୍ଟରେ ଭାରତ- ନ୍ୟୁଜିଲାଣ୍ଡ ମୁକାବିଲା ହୋଇଥିଲା । ଏଥିରେ ଭାରତ 1-2 ଗୋଲ୍ରେ ପରାସ୍ତ ହୋଇଥିଲା । ଏହାପରେ ଆଜି ଭାରତ ଆୟୋଜକ ଦଳ ବିପକ୍ଷରେ ଫୁଲଫର୍ମରେ ଦେଖିବାକୁ ମିଳିଥିଲା । ଏଥିରେ ଜାପନକୁ 3-6ଗୋଲ୍ରେ ଭାରତ ମାତ୍ ଦେଇଛି ।
ତେବେ ପଏଣ୍ଟ ଟେବୁଲର ଶୀର୍ଷ ସ୍ଥାନରେ ରହିଥିବା ନ୍ୟୁଜିଲାଣ୍ଡ ଦଳକୁ ଆସନ୍ତାକାଲି ଭାରତ ଫାଇଲାନ୍ ମ୍ୟାଚରେ ଭେଟିବ ।
