ଲଣ୍ଡନ: ଆଗାମୀ ମାସରେ ଭୁବନେଶ୍ବରରେ ହେବାକୁ ଥିବା FIH ପୁରୁଷ ଜୁନିଅର ବିଶ୍ବକପ୍ରୁ ଓହରିଲା ଇଂଲଣ୍ଡ । ବ୍ରିଟେନ ନାଗରିକଙ୍କ ପାଇଁ ଭାରତ ସରକାର ୧୦ ଦିନିକିଆ ବାଧ୍ୟତାମୂଳକ କ୍ବାରେଣ୍ଟିନ ନିୟମ ଓ COVID-19 ସମ୍ବନ୍ଧୀୟ ଏକାଧିକ କାରଣ ପାଇଁ ଟୁର୍ଣ୍ଣାମେଣ୍ଟରୁ ଓହରିଥିବା ଇଂଲଣ୍ଡ ଦର୍ଶାଇଛି ।
ଇଂଲଣ୍ଡ ହକି ପକ୍ଷରୁ ଏକ ବିବୃତିରେ କୁହାଯାଇଛି ଯେ, ଦୁର୍ଭାଗ୍ୟବଶତଃ ନଭେମ୍ବର ୨୪ରୁ ଡିସେମ୍ବର ୫ ମଧ୍ୟରେ ଖେଳାଯିବାକୁ ଥିବା ଟୁର୍ଣ୍ଣାମେଣ୍ଟରୁ ଓହରିବା ନିଷ୍ପତ୍ତି ବିଶ୍ବ ହକି ପରିଚାଳନା ବୋର୍ଡ ଓ FIHକୁ ଜଣାଇସାରିଛି ।
ଭାରତ ଫେରୁଥିବା ବ୍ରିଟେନରୁ ନାଗରିକଙ୍କ ପାଇଁ ଭାରତ ସରକାର ନୂଆ ନିୟମ ଲାଗୁ କରିଛନ୍ତି । ଟିକା ନେଇଥିଲେ ମଧ୍ୟ ୧୦ ଦିନ ବାଧ୍ୟତାମୂଳକ କ୍ବାରେଣ୍ଟିନର ରହିବାକୁ ହେବ । ଏଥିସହ ଯାତ୍ରାର ୭୨ ଘଣ୍ଟା ପୂର୍ବରୁ କରାଯାଇଥିବା RT-PCR ଟେଷ୍ଟ ରିପୋର୍ଟ ଦେଖାଇବାକୁ ହେବ । ଏହା ବ୍ୟତୀତ ଆଉ ଦୁଇଟି RT-PCR ଟେଷ୍ଟର ସାମ୍ନା କରିବାକୁ ପଡିବ, ସେଥରୁ ଗୋଟିଏ ବିମାନବନ୍ଦରରେ ପହଞ୍ଚିବା ପରେ ଓ ଦ୍ବିତୀୟଟି ପହଞ୍ଚିବାର ଅଷ୍ଟମ ଦିନରେ ଟେଷ୍ଟ କରିବାକୁ ହେବାନେଇ ନିୟମ ଜାରି କରିଛନ୍ତି ଭାରତ ସରକାର ।
ବ୍ୟୁରୋ ରିପୋର୍ଟ, ଇଟିଭି ଭାରତ
