ଭୁବନେଶ୍ବର: ଜୁନିଅର ପୁରୁଷ ହକି ବିଶ୍ୱକପ୍ ହକି ପାଇଁ ସଜେଇ ହେଉଛି କଳିଙ୍ଗ ଷ୍ଟାଡିୟମ । ଭୁବନେଶ୍ବରରେ ସବୁ ଦଳ ପହଞ୍ଚି ସାରି ଥିବାବେଳେ ମ୍ୟାଚ୍ ପାଇଁ ଅଭ୍ୟାସ ଜାରି ରଖିଥିବା ଦେଖିବାକୁ ମିଳିଛି ।
ଆଉ କିଛି ଘଣ୍ଟାର ଅପେକ୍ଷା । ଆସନ୍ତାକାଲି ଆରମ୍ଭ ହେବ ହକି ମହାକୁମ୍ଭ । ଏଥିପାଇଁ ବିଭିନ୍ନ ଦେଶର ଖେଳାଳି ଆସି ପହଞ୍ଚି ସାରିଛନ୍ତି ରାଜଧାନୀ ଭୁବନେଶ୍ବରରେ । ଏଥର କୋଭିଡ କାରଣରୁ ଷ୍ଚାଡିୟମକୁ ଦର୍ଶକଙ୍କୁ ଅନୁମତି ନଥିବାରୁ ନିରାଶ ଫ୍ୟାନ୍ସ । ତେବେ ଷ୍ଟାଡିୟମରେ 16 ଟି ପ୍ରତିଯୋଗୀ ଦଳରେ ଜାତୀୟ ପତାକା ପ୍ରଦର୍ଶନ କରାଯାଇଛି । ଅନ୍ୟପଟେ ରାଜଧାନୀ ବି ସଜେଇ ହୋଇଛି । ବଡ ବଡ ସ୍ଥାନରେ ସ୍ମାର୍ଟ ପ୍ରଦର୍ଶନୀ ଫଳକ ଲାଗିଛି । ସେହିପରି ରାଜଧାନୀରେ ରାଜରାସ୍ତାକୁ ମଧ୍ୟ ନୂଆ ରୂପ ଦିଆଯାଇଛି । କାନ୍ଥ ବାଡ ସବୁକିଛି ରଙ୍ଗୀନ ହୋଇଯାଇଛି । କେବଳ ଷ୍ଟାଡିୟମରେ ପ୍ରିୟ ଖେଳାଳିଙ୍କ ଅପେକ୍ଷାରେ ଅଛନ୍ତି ଫ୍ୟାନ୍ସ ।
ଭୁବନେଶ୍ବରରୁ ମନୋରଞ୍ଜନ ଶଙ୍ଖୁଆ, ଇଟିଭି ଭାରତ