ବେଙ୍ଗାଲୁରୁ: ଭାରତୀୟ ପୁରୁଷ ହକି ଦଳର ମିଡଫିଲ୍ଡର ସୁମିତ ବାଲମିକି କହିଛନ୍ତି ଯେ କୋରୋନା ମହାମାରୀ ପରେ ପ୍ରଥମ କରି ହେବାକୁ ଥିବା ଏସିଆନ ଚାମ୍ପିଅନ୍ସ ଟ୍ରଫିରେ ଜଣା ପଡ଼ିବ ଯେ ତାଙ୍କ ଦଳରେ କ୍ଷମତା କେତେ ଓ ସେମାନଙ୍କ ସ୍ଥାନ କେଉଁଠି ।
ଆସନ୍ତା ବର୍ଷ ମାର୍ଚ୍ଚ ମାସରେ ଟିମ ଢାକା ଠାରେ ଏହି ଟୁର୍ଣ୍ଣାମେଣ୍ଟ ଖେଳିବା ନେଇ ସ୍ଥିରିକୃତ ହୋଇଛି ।
‘‘ଆମେ ଭାଗ୍ୟବାନ ଯେ ଆମେ ଅଭ୍ୟାସ ଆରମ୍ଭ କରିଛୁ ଓ ଆମକୁ ଏସଏଆଇ ଓ ହକି ଇଣ୍ଡିଆ ଜୈବ ସୁରକ୍ଷିତ ପରିବେଶ ଯୋଗାଇ ଦେଇଛନ୍ତି ଆମ ଦକ୍ଷତାର ବିକାଶ ପାଇଁ । ଆସନ୍ତା ସବର୍ଷ ହେବାକୁ ଥିବା ଏସିଆନ ଚାମ୍ପିୟନସିପରେ ଆମେ କେଉଁ ସ୍ତରରେ ଅଛୁ ଓ ଆଗକୁ ଅଲମ୍ପିକ ପାଇଁ ଆମକୁ ଆଉ କଣ ଉନ୍ନତି କରିବାକୁ ହେବ ତାହା ସ୍ପଷ୍ଟ ହୋଇଯିବ,’’ ବୋଲି କହିଛନ୍ତି ଭାରତୀୟ ମିଡଫିଲ୍ଡର ସୁମିତ ।
ଗତ ବର୍ଷ ଆହତ କାରଣରୁ କିଛଲି ଗୁରୁତ୍ବପୂର୍ଣ୍ଣ ମ୍ୟାଚରୁ ବାଦ ପଡ଼ିଥିବା ସୁମିତ ପୁଣି ଥରେ ଭାରତୀୟ ଜର୍ସୀ ପିନ୍ଧି ପ୍ରତିଦ୍ବନ୍ଦ୍ବିତା ପାଇଁ ପ୍ରସ୍ତୁତ ହେଉଛନ୍ତି ।
‘‘ଭାରତୀୟ ଟିମରେ ସ୍ଥାନ ପାଇବାକୁ ହେଲେ ଆମ ଠାରୁ ଯାହା ଆସା କରାଯାଉଛି ତାକୁ ପୂରଣ କରିବା ସହ ନିଜସହ ପ୍ରଥମେ ପ୍ରତିଦ୍ବନ୍ଦିତା କରିବାକୁ ହୁଏ । ତେବେ ବର୍ତ୍ତମାନ ମୁଁ ଅଭ୍ୟାସରେ ନିଜରେ 100 ପ୍ରତିଶତ ଦେଉଛି ଓ ଆଶା କରୁଛି ଯେ ଆସନ୍ତା ବର୍ଷ ଏସିଆନ ଚାମ୍ପିଅନ୍ସ ଟ୍ରଫିରେ ଖେଳି ନିଜ ଟିମକୁ ବିଜୟୀ କରାଇବାରେ ସହାୟକ ହେବି,’’ କହିଛନ୍ତି ସୁମିତ ।
@IANS
