ମାଦ୍ରିଦ: ରିୟଲ ମାଦ୍ରିଦ ମୁଖ୍ୟ କୋଚ୍ ପଦ ଛାଡିଲେ ଜିନେଣ୍ଡିନ ଜିଡାନେ । ଏନେଇ ଗୁରୁବାର କ୍ଲବ ପକ୍ଷରୁ ସ୍ପଷ୍ଟ କରାଯାଇଛି । ଗୋଟିଏ ଦଶନ୍ଧିରୁ ଅଧିକ ସମୟ ମଧ୍ୟରେ ପ୍ରଥମ ଥର ପାଇଁ ଗୋଟିଏ ସିଜିନରେ ଏକ ଟାଇଟେଲ ଜିତିବାକୁ ମାଦ୍ରିଦ ବିଫଳ ହେବାପରେ କୋଚ ପଦ ଛାଡିଛନ୍ତି ଜିନେଣ୍ଡିନ ।
ରିୟଦ ମାଦ୍ରିଦର ଖେଳାଳି ଓ ପରେ କୋଚ ଭାବେ କ୍ଲବ ପ୍ରତି ଜିନେଣ୍ଡିନଙ୍କ ବିଶେଷ ଅବଦାନ ରହିଥିବା ଏକ ଘୋଷଣାନାମାରେ କ୍ଳବ ପକ୍ଷରୁ କୁହାଯାଇଛି ।
ଜୁନ 2022 ପର୍ଯ୍ୟନ୍ତ କ୍ଲବ ସହ ତାଙ୍କର ଚୁକ୍ତି ଥିଲା । ତାଙ୍କର ଦୁଇ ବର୍ଷ ଓ 5 ମାସର କାର୍ଯ୍ୟକାଳ ଅବଧି ମଧ୍ୟରେ ମାଦ୍ରିଦ ମୋଟ 9ଟି ଟ୍ରଫି ଜିତିବାରେ ସଫଳ ହୋଇଛି । ଏଥିରେ ଦୁଇଟି କ୍ଲବ ବିଶ୍ବକପ, ଦୁଇଟି UEFA ସୁପର କପ, ଗୋଟିଏ ସ୍ପାନିସ ଲିଗ ଓ ଗୋଟିଏ ସ୍ପାନିସ ସୁପର କପ ଟାଇଟେଲ ରହିଛି ।
ତେବେ ଚଳିତ ସିଜିନରେ କ୍ଲବର ପ୍ରଦର୍ଶନ ଖରାପ ଯୋଗୁଁ ନିଜ ପଦ ଛାଡିବା ସହ ଏହା ପରିବର୍ତ୍ତନର ସମୟ ବୋଲି କହିଛନ୍ତି ଜିନେଣ୍ଡିନ ।
ବ୍ୟୁରୋ ରିପୋର୍ଟ, ଇଟିଭି ଭାରତ
