କୋଲଜିନ(ଜର୍ମାନୀ): ମହାମାରୀ କୋରୋନା ଭାଇରସ ସଂକ୍ରମଣର ଭୟ ସତ୍ତ୍ବେ, ବୁନ୍ଦେସଲିଗା ଫୁଟବଲ ଲିଗ ସଫଳତାର ସହ ଖେଳାଯାଉଛି । ମଙ୍ଗଳବାର ଖେଳାଯାଇଥିବା ମ୍ୟାଚରେ RB ଲେଇପିଜିଗ FC କୋଲନକୁ 4-2ଗୋଲରେ ହରାଇ, ପଏଣ୍ଟ ତାଲିକାର 3ୟ ସ୍ଥାନରେ ପହଞ୍ଚିଛି ।
ବୁନ୍ଦେସଲିଗା: ବିଜୟ ସହ ପଏଣ୍ଟ ଟେବୁଲର ତୃତୀୟରେ RB ଲେଇପିଜିଗ
ମ୍ୟାଚର ସପ୍ତମ ମିନିଟରେ FC କୋଲନ ପ୍ରଥମେ ଗୋଲ କରିଥିଲା । FC କୋଲନ ପକ୍ଷରୁ ଜନ କର୍ଡବା ଗୋଲ୍ କରିବା ସହ ଟିମକୁ 1-0ରେ ଅଗ୍ରଣୀ କରିଥିଲେ । ତେବେ ସ୍କୋର ବରାବର ପାଇଁ ଅଧିକ ସମୟ ନେଇନଥିଲା RB ଲେଇପିଜିଗ । ଟିମ ପକ୍ଷରୁ ପାଟ୍ରିକ ଚିକ୍ ଗୋଲ କରିଥିଲେ । ଏହାପରେ RB ଲେଇପିଜିଗ ଆକ୍ରମଣାତ୍ମକ ରଣନୀତି ଆପଣାଇବା ସହ ବିଜୟୀ ହୋଇଥିଲା ।
ଏଥିସହିତ 58 ପଏଣ୍ଟ ସହ ବୁନ୍ଦେସଲିଗା ପଏଣ୍ଟ ଟେବୁଲର 3ୟ ସ୍ଥାନରେ ପହଞ୍ଚିଛି । 2ୟ ସ୍ଥାନରେ 60 ପଏଣ୍ଟ ସହ ବୋରୁସିଆ ଡର୍ଟମୁଣ୍ଡ୍ ଓ 67 ପଏଣ୍ଟ ସହ ବେୟର୍ନ ମୁନିଚ ପ୍ରଥମରେ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
