ଲଣ୍ଡନ:ପ୍ରିମିୟର ଲିଗ କ୍ଳବ ଟୋଟେନାହମର ଜଣେ ସଦସ୍ୟଙ୍କ କୋରୋନା ଭାଇରସ ଟେଷ୍ଟ ରିପୋର୍ଟ ପଜିଟିଭ ଥିବା ଜଣାପଡିଛି । ଏନେଇ କ୍ଳବ ପକ୍ଷରୁ ସୂଚନା ଦିଆଯାଇଛି ।
ଜୁନ 1 ଓ 2 ତାରିଖରେ କ୍ଳବର 1197ଜଣ ଖେଳାଳି ଓ କର୍ମଚାରୀଙ୍କ ନମୁନା ଟେଷ୍ଟ ପାଇଁ ପଠାଯାଇଥିଲା । ସେଥିମଧ୍ୟରୁ ଜଣଙ୍କର ରିପୋର୍ଟ ପଜିଟିଭ ରହିଥିବା ସ୍ପଷ୍ଟ ହୋଇଛି । ଫଳରେ ରିପୋର୍ଟ ପଜିଟିଭ ଥିବା ସଦସ୍ୟଙ୍କୁ ସେଲ୍ଫ-ଆଇସୋଲେସନରେ ରଖାଯାଇଛି । ତେବେ ସଦସ୍ୟଙ୍କ ନାମ ସାର୍ବଜନୀନ କରିବାକୁ କ୍ଳବ ପକ୍ଷରୁ ବାରଣ କରାଯାଇଛି ।
ପ୍ରିମିୟର ଲିଗ ଫୁଟବଲ ଟୁର୍ଣ୍ଣାମେଣ୍ଟ ଆରମ୍ଭ ପୂର୍ବରୁ ପର୍ଯ୍ୟାୟ କ୍ରମେ ଅଂଶଗ୍ରହଣକାରୀ ସମସ୍ତ କ୍ଳବର ଖେଳାଳି ଓ କର୍ମଚାରୀଙ୍କ କୋଭିଡ-19 ଟେଷ୍ଟ କରାଯାଉଛି । ମହାମାରୀ କୋରୋନା ଭାଇରସ ସଂକ୍ରମଣ ଭୟ ଯୋଗୁଁ ଗତ ମାର୍ଚ୍ଚରୁ ପ୍ରିମିୟର ଲିଗ ବାତିଲ ଘୋଷଣା ହୋଇଥିଲା । ତେବେ ଜୁନ 17ରୁ ଖାଲି ଷ୍ଟାଡିୟମରେ ପୁଣିଥରେ ଆରମ୍ଭ ହେବାକୁ ଯାଉଛି ଇଂଲିସ ଫୁଟବଲ ଲିଗ, ପ୍ରିମିୟର ଲିଗ ।
ବ୍ୟୁରୋ ରିପୋର୍ଟ,ଇଟିଭି ଭାରତ
