ମାଦ୍ରିଦ: ଲା ଲିଗା ଇତିହାସରେ ସର୍ବାଧିକ ଗୋଲ ସ୍କୋର କରିଥିବା ଡିଫେଣ୍ଡର ହୋଇଚନ୍ତି ରିୟଲ ମାଦ୍ରିଦ କ୍ୟାପଟେନ ସର୍ଜିଓ ରମୋସ । ସେ ରବିବାର(ସ୍ଥାନୀୟ ସମୟ) ରିୟଲ ସୋସିଏଦାଦ ବିପକ୍ଷ ମୁକାବିଲାରେ ଗୋଲ କରିବା ପରେ, ଏହି ସଫଳତାର ଅଧିକାରୀ ହୋଇଛନ୍ତି ।
ଏଥିସହିତ ରମୋସ ବାର୍ସେଲୋନାର ରୋନାଲ୍ଡ କୋଏମାନଙ୍କ 68ଟି ଗୋଲକୁ ଟପିଯାଇଛନ୍ତି ।ବର୍ଷ 2004ରେ ପେଷାଦାର ଫୁଟବଲ କ୍ୟାରିୟର ସେଭିଲାରୁ ଆରମ୍ଭ କରିଥିଲେ ରମୋସ ।
ଏହାପରେ 2005ରେ ରିୟଲ ମାଦ୍ରିଦ କ୍ଳବରେ ସାମିଲ ହୋଇଥଲେ । ରିୟଲ ମାଦ୍ରିଦ 4ଟି ଲା ଲିଗା ଟାଇଟେଲ ଓ ଏକାଧିକ ବାର ଚମ୍ପିଆନ୍ସ ଲିଗ ବିଜୟୀ ହେବାରେ, କ୍ୟାପଟେନ ରମୋସଙ୍କର ପ୍ରମୁଖ ଭୂମିକା ରହିଛି ।
