ରୋମ: ମହାମାରୀ କୋରୋନା ଭାଇରସ ସତ୍ତ୍ବେ ଅଭ୍ୟାସକୁ ଫେରିବ ଇଟାଲିଆନ ଫୁଟବଲ କ୍ଳବ ରୋମା । ମେ 18ରୁ ଏହି ଅଭ୍ୟାସ ଶିବିର ଆରମ୍ଭ କରିବାନେଇ କ୍ଳବ ପକ୍ଷରୁ ସୂଚନା ମିଳିଛି । ଇଟାଲିରେ ସରକାରଙ୍କ ପକ୍ଷରୁ ଲକଡାଉନର ଅବଧି ଶେଷ ହେଉଛି । ପୂର୍ବରୁ ସିରିଆ କ୍ଳବ ମଧ୍ୟ ଅଭ୍ୟାସକୁ ଫେରିବା ନେଇ ଘୋଷଣା କରିଥିଲା ।
2019-21 ସିଜିନକୁ କ୍ଳବ ପକ୍ଷରୁ କୋରୋନା ଭାଇରସ ସଂକ୍ରମଣ କାରଣରୁ ବାତିଲ ଘୋଷଣା କରାଯାଇଥିଲା । ବିଶ୍ବବ୍ୟାପୀ ମହାମାରୀ ଭାଇରସ କାରଣରୁ ପ୍ରାୟ 2,44,500 ଲୋକେ ପ୍ରାଣ ହରାଇସାରିଲେଣି । ବିଶ୍ବ କ୍ରୀଡାଜଗତ ସଂପୂର୍ଣ୍ଣ ଭାବେ ପ୍ରଭାବିତ ହୋଇଛି । ଏମିତିକି ଅଲମ୍ପିକ୍ସ ଗେମ୍ସ ମଧ୍ୟ 2021କୁ ଘୁଞ୍ଚାଇ ଦିଆଯାଇଛି ।
