ମୁମ୍ବାଇ: ଭାରତୀୟ କ୍ରିକେଟର ରୋହିତ ଶର୍ମା ଶୁକ୍ରବାର ଲା ଲିଗା ଟାଇଟେଲ ବିଜେତା ରିୟଲ ମାଦ୍ରିଦକୁ ଶୁଭେଚ୍ଛା ଜଣାଇଛନ୍ତି ।
ଭିଲାରେଲ ବିପକ୍ଷରେ 2-1ରେ ବିଜୟ ପରେ ରିୟଲ ମାଦ୍ରିଦ 20119-2020 ଲା ଲିଗା ଟ୍ରଫି ବିଜୟୀ ହୋଇଛି । ଏହି ଟ୍ରଫି ରିୟଲ ମାଦ୍ରିଦର 34ତମ ଟାଇଟେଲ ବିଜୟ ।
ମାଦ୍ରିଦର ଷ୍ଟାର ଖେଳାଳି କରିମ ବେଞ୍ଜେମା 2ଟି ଗୋଲ କରିବା ସହ କ୍ଳବକୁ ବିଜୟ ଭେଟି ଦେଇଥିଲେ ।
"ଆଉ ଏକ ଟାଇଟେଲ ବିଜୟ । ବର୍ତ୍ତମାନର କଠିନ ପରିସ୍ଥିତିରେ ଟୁର୍ଣ୍ଣାମେଣ୍ଟରେ ରିୟଲ ମାଦ୍ରିଦର ପ୍ରଦର୍ଶନ ବାସ୍ତବିକ ପ୍ରଂଶସନୀୟ ।" ଟ୍ବିଟ ଯୋଗଁ ଶୁଭେଚ୍ଛା ଜଣାଇବା ସହ ଏହା କହିଛନ୍ତି ରୋହିତ ଶର୍ମା ।
ରୋହିତ ଭାରତରେ ଲା ଲିଗାର ବ୍ରାଣ୍ଡ ଆମ୍ବାସଡର ରହିଛନ୍ତି । ପୂର୍ବରୁ ସେ ରିୟଲ ମାଦ୍ରିଦର ଜଣେ ବଡ ଫ୍ୟାନ୍ସ ଥିଲେ ବୋଲି ରୋହିତ କହିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
