ଓଡିଶା ମହିଳା ଫୁଟବଲ ଲିଗର ଷଷ୍ଠ ଦିନର 3ଟି ମ୍ୟାଚର ଫଳାଫଳ

ଓଡିଶା ମହିଳା ଫୁଟବଲ ଲିଗର ଷଷ୍ଠ ଦିନରେ ତିନୋଟି ମ୍ୟାଚ ଖେଳା ଯାଇଛି।ଗୋଟିଏ ମ୍ୟାଚ ସକାଳେ ଖେଳା ଯାଇଥିବା ବେଳେ ଆଉ ଦୁଇଟି ମ୍ୟାଚ ଅପରାହ୍ନରେ ଖେଳା ଯାଇଛି।

ଭୁବନେଶ୍ବର: ଓଡିଶା ମହିଳା ଫୁଟବଲ ଲିଗର ଷଷ୍ଠ ଦିନରେ ତିନୋଟି ମ୍ୟାଚ ଖେଳା ଯାଇଛି।ଗୋଟିଏ ମ୍ୟାଚ ସକାଳେ ଖେଳା ଯାଇଥିବା ବେଳେ ଆଉ ଦୁଇଟି ମ୍ୟାଚ ଅପରାହ୍ନରେ ଖେଳା ଯାଇଛି। ସକାଳେ କ୍ୟାପିଟାଲ ହାଇସ୍କୁଲ ପଡ଼ିଆରେ ଓଡିଶା ପୋଲିସ ଓ ରାଇଜିଙ୍ଗ କ୍ଳବ ମଧ୍ୟରେ ଖେଳା ଯାଇଥିବା ମ୍ୟାଚଟିକୁ ରାଇଜିଙ୍ଗ କ୍ଳବ ଅକ୍ତିଆର କରିଥିବାବେଳେ କ୍ଳବର ସତ୍ୟବତୀ ଖଡ଼ିଆ ଏକାକୀ 3ଟି ଗୋଲ ଦେଇ ଦଳକୁ ବିଜୟର ସ୍ବାଦ ଚଖାଇଛନ୍ତି । ଏପଟେ ଓଡିଶା ପୋଲିସ କେବଳ ଗୋଟିଏ ଗୋଲ କରିବାରେ ସକ୍ଷମ ହୋଇଥିଲା।

ସେହିଭଳି ଅପରାହ୍ନରେ ଦୁଇଟି ମ୍ୟାଚ ଇଷ୍ଟକୋଷ୍ଟ ରେଲୱେ ଓ ସାଇ ଏସ ଟି ସି ମଧ୍ୟରେ କ୍ୟାପିଟାଲ ଗ୍ରାଉଣ୍ଡରେ ଖେଳା ଯାଇଥିବାବେଳେ ତାହାକୁ ଇଷ୍ଟ କୋଷ୍ଟ ରେଲୱେ 4-1 ଗୋଲ ରେ ବିଜୟ ଲାଭ କରିଛି। ଅନ୍ୟ ମ୍ୟାଚଟି ଯାହା ସ୍ପୋର୍ଟସ ହଷ୍ଟେଲ ଓ ଓଜିପି କ୍ଳବ ମଧ୍ୟରେ କଳିଙ୍ଗ ଷ୍ଟାଡିୟମରେ ଖେଳା ଯାଉଥିଲା ତାହାକୁ ସ୍ପୋର୍ଟସ ହଷ୍ଟେଲ 5-1ଗୋଲ ରେ ଜିତିନେଇଛି ।

ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ