ଲଣ୍ଡନ: ଚଳିତ ପ୍ରିମିୟର ଲିଗରେ ଏକ ରୋମାଞ୍ଚକର ମୁକାବିଲାରେ ଆର୍ସେନାଲାକୁ 2-1 ଗୋଲରେ ହରାଇଛି ଟୋଟେନହାମ ।
ରବିବାର ଖେଳାଯାଇଥିବା ଏହି ମୁକାବିଲାରେ ପ୍ରଥମେ ଆର୍ସେନାଲ ଗୋଲ କରିବା ସହ 1-0ରେ ଆଗୁଆ ରହିଥିଲା । ଆର୍ସେନାଲ ପକ୍ଷରୁ ମ୍ୟାଚର 16ତମ ମିନିଟରେ ଗୋଲ୍ କରିଥିଲେ ଆଲେକ୍ସ ଲାକାଜେଟ୍ । ମାତ୍ର ଦୁର୍ବଳ ଡିଫେଣ୍ଡିଂ ଯୋଗୁଁ 3 ମିନିଟ ପରେ ଟୋଟେନହାମର ସନ ହିୟଙ୍ଗ ଗୋଲ୍ କରିବା ସହ ସ୍କୋର ବରାବର କରିଥିଲେ । ପ୍ରଥମ ଅର୍ଦ୍ଧେରେ ସ୍କୋର ବରାବରରେ ଶେଷ ହେବାପରେ, ଦ୍ବିତୀୟ ଅର୍ଦ୍ଧରେ ଗୋଲ ପାଇଁ କଡା ମୁକାବିଲା ଦେଖିପାଇଁ ମିଳିଥିଲା । ତେବେ ଟୋବି ଆଲଡରୱାରଡ ଟୋଟ୍ଟେନାହମ ୱକ୍ଷରୁ ବିଜୟୀ ଗୋଲ କରି ଦଳକୁ 3 ପଏଣ୍ଟ ହାସଲ କରାଇଥିଲେ ।
ପଏଣ୍ଟ ଚେବୁଲରେ ଟୋଟ୍ଟେନାହମ 52 ପଏଣ୍ଟ ସହ 8ମ ସ୍ଥାନରେ ରହିଛି । ଆର୍ସେନାଲ 50 ପଏଣ୍ଟରେ ସୀମିତ ରହିଛି । ଜୁଲାଇ 15ରେ ଟୋଟେନହାମ ନିୟୁକାଷ୍ଟନକୁ ଭେଟିବ । ଅନ୍ୟପଟେ ଜୁଲାଇ 16ରେ ଆର୍ସେନାଲ ପରବର୍ତ୍ତୀ ମୁକାବିଲାରେ ଲିଭରପୁଲକୁ ଭେଟିବ ।
