ଭୁବନେଶ୍ବର: ଓଡିଶା ମହିଳା ଫୁଟବଲ ଲିଗ୍ର ଦ୍ଵିତୀୟ ମ୍ୟାଚ ଜିତିଲା ପୂର୍ବତଟ ରେଳବାଇ ଟିମ । କ୍ୟାପିଟାଲ ହାଇସ୍କୁଲ ପଡ଼ିଆରେ ଏହି ମ୍ୟାଚ ଖେଳାଯାଇଥିଲା।
ଓଡିଶା ଫୁଟବଲ ଆସୋସିଏସନ ଓ କ୍ରୀଡା ଓ ଯୁବ ସେବା ବିଭାଗ ପକ୍ଷରୁ ଆରମ୍ଭ ହୋଇଥିବା ଏହି ଲିଗ୍ରେ ମଙ୍ଗଳବାର, ଟିଓପିଜି କ୍ଳବ ଓ ପୂର୍ବତନ ରେଳବାଇ (ଇଷ୍ଟ କୋଷ୍ଟ ରେଲୱେ) ମଧ୍ୟରେ ଖେଳା ଯାଇଥିଲା। ଯେଉଁଥିରେ ପୂର୍ବତନ ରେଳବାଇର ଖେଳାଳିମାନେ ପ୍ରଭାବୀ ପ୍ରଦର୍ଶନ କରିବା ସହ ବିପକ୍ଷ ଦଳକୁ 3-1ଗୋଲ୍ରେ ପରାସ୍ତ କରିଥିଲେ।
ମ୍ୟାଚ ଆରମ୍ଭରୁ ରେଳବାଇ ଟିମ ଆକ୍ରମଣାତ୍ମକ ରଣନୀତି ସହ ଖେଳିଥିଲା । ଟିମ ପକ୍ଷରୁ ସରୋଜିନୀ ତିର୍କୀ 23 ମିନିଟରେ ପ୍ରଥମ ଗୋଲ କରିଥିଲେ। ପରେ ପ୍ରଥମାର୍ଦ୍ଧ ପର୍ଯ୍ୟନ୍ତ ଆଉ କୌଣସି ଗୋଲ ହୋଇ ପାରିନଥିଲା । ଦ୍ବିତୀୟାର୍ଦ୍ଧରେ ରେଳବାଇ ଟିମ 2ଟି ଗୋଲ୍ ଓ ଓଜିପି କ୍ଳବ ଗୋଟିଏ ଗୋଲ୍ କରିବାକୁ ସମର୍ଥ ହୋଇଥିଲେ ।
ଭୁବନେଶ୍ବରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
