ଗୌହାଟି: ଇଣ୍ଡିଆନ ସୁପର ଲିଗର ଷଷ୍ଠ ସଂସ୍କରଣ ଆରମ୍ଭ ହୋଇଯାଇଛି । ଆଜି ଏହି ଲିଗ୍ର 2ୟ ମ୍ୟାଚ ଖେଳିବ ଓଡିଶା ଏଫ୍ସି । ଓଡିଶା ଏଫ୍ସି ଗୌହାଟିର ଇନ୍ଦିରା ଗାନ୍ଧୀ ଆଥଲେଟିକ୍ ଷ୍ଟାଡିୟମରେ ନର୍ଥଇଷ୍ଟ ୟୁନାଇଟେଡ୍ ଏଫ୍ସିକୁ ଭେଟିବ । ଉଭୟ ଦଳ ନିଜର ପ୍ରଥମ ବିଜୟ ଲକ୍ଷ୍ୟରେ ଆଜି ଗ୍ରାଉଣ୍ଡକୁ ଓହ୍ଲାଇବେ ।
ଉଭୟ ଦଳ ଏହି ଲିଗ୍ରେ ଗୋଟିଏ ଲେଖାଏଁ ମ୍ୟାଚ ଖେଳିଛନ୍ତି । ଇଣ୍ଡିଆନ ସୁପର ଲିଗରେ ପ୍ରଥମ ଥର ଓଡିଶା ଏଫ୍ସି ପଦାର୍ପଣ କରିଛି । ତେବେ ଓଡିଶା ତା'ର ପ୍ରଥମ ମ୍ୟାଚରେ ଜାମସେଦପୁର ଏଫସି ଠାରୁ 2-1 ଗୋଲ୍ରେ ପରାସ୍ତ ହୋଇଥିଲା।
ସେହିପରି ନର୍ଥଇଷ୍ଟ ୟୁନାଇଟେଡ୍ ଏହାର ପ୍ରଥମ ମ୍ୟାଚରେ ବେଙ୍ଗାଲୁର ଏଫସିକୁ ଭେଟିଥିଲା । ସେହି ମ୍ୟାଚରେ 0-0 ସ୍କୋରରେ ମ୍ୟାଚ ଡ୍ର ରହିଥିଲା। ଏହି ମ୍ୟାଚ ଆଜି ସନ୍ଧ୍ୟା 7ଟା 30ମିନିଟ୍ରେ ଗୌହାଟିର ଇନ୍ଦିରା ଗାନ୍ଧୀ ଆଥଲେଟିକ୍ ଷ୍ଟାଡିୟମରେ ଖେଳାଯିବ।
