ନୂଆଦିଲ୍ଲୀ: ଭାରତୀୟ ମହିଳା ଫୁଟବଲ ଜାତୀୟ ସିନିୟର ଟିମର ମୁଖ୍ୟ କୋଚ୍ ଭାବେ ୪ବର୍ଷ କାର୍ଯ୍ୟ କରିବା ପରେ ପଦ ଛାଡିଲେ ମେମଲ ରକି । ବ୍ୟକ୍ତିଗତ କାରଣରୁ ସେ ଏହି ଦାୟିତ୍ବରୁ ଓହରିଥିବା ଦର୍ଶାଇଛନ୍ତି । ମଙ୍ଗଳବାର ଏନେଇ ସର୍ବଭାରତୀୟ ଫୁଟବଲ ମହାସଂଘ(AIFF) ସ୍ପଷ୍ଟ କରିଛି ।
ସହକାରୀ କୋଚ ଭାବେ କାର୍ଯ୍ୟ କରିସାରିବା ପରେ ୨୦୧୭ରେ ମହିଳା ଫୁଟବଲ ଟିମର କୋଚ୍ ଦାୟିତ୍ବ ମେମଲଙ୍କୁ ମିଳିଥିଲା । ପରେ ଅନେକ ଅନ୍ତର୍ଜାତୀୟ ଇଭେଣ୍ଟରେ ଟିମର ନେତୃତ୍ବ ନେଇଥିଲେ ସେ ।
ଗତ ଚାରି ବର୍ଷ ମଧ୍ୟରେ ଟିମ ଅନେକ ଉନ୍ନତି କରିଛି । ସର୍ବଦା ସମସ୍ତ ପ୍ରକାର ସୁବିଧା ମିଳିଛି ଓ ସ୍ପୋର୍ଟ୍ସ ଅଥରିଟି ଅଫ ଇଣ୍ଡିଆ(SAI), ଓଡିଶା ସରକାରଙ୍କ ଠାରୁ ମିଳିଥିବା ଉପଯୋଗୀ ସହଯୋଗ ହିଁ ସଫଳତାର ମୂଳମନ୍ତ୍ର ।
ମହିଳା ଜାତୀୟ ଫୁଟବଲ ଟିମର କୋଚ୍ ପଦରୁ ଓହରିବା ନେଇ AIFF ସାଧାରଣ ସମ୍ପାଦକ କୁଶାଲ ଦାସ କହିଛନ୍ତି, ମେମଲଙ୍କ ନିଷ୍ପତ୍ତିକୁ ସମ୍ମାନ ଜଣାଉଛୁ । ଭାରତୀୟ ଫୁଟବଲକୁ ତାଙ୍କର ଅବଦାନ ପାଇଁ ଧନ୍ୟବାଦ ।
ବ୍ୟୁରୋ ରିପୋର୍ଟ, ଇଟିଭି ଭାରତ
