ହାଇଦ୍ରାବାଦ: ଗଣତନ୍ତ୍ର ଦିବସରେ କ୍ରୀଡା ଜଗତରୁ ଆସିଲା ଦୁଃଖଦ ଖବର । ପରଲୋକରେ ପୂର୍ବତନ ଭାରତୀୟ ଗୋଲ୍କିପର ପ୍ରଶାନ୍ତ ଦୋରା । ଦୀର୍ଘ ଦିନ ଧରି ଅସୁସ୍ଥ ଥିଲେ ପ୍ରଶାନ୍ତ । ଗତ ଡିସେମ୍ବର 28ରେ କୋଲକାତାର ଏକ ହସ୍ପିଟାଲରେ ଭର୍ତ୍ତି ହୋଇଥିଲେ ।ପ୍ରଶାନ୍ତ ହେମୋଫାଗୋସିଟିକ୍ ଲିମ୍ଫୋହିଷ୍ଟାଇଓସିଟୋସିସ୍(HLH)ରେ ଆକ୍ରାନ୍ତ ଥିଲେବୋଲି ଜଣାପଡିଛି । ମୃତ୍ୟୁବେଳକୁ ତାଙ୍କୁ 44 ବର୍ଷ ବୟସ ହୋଇଥିଲା ।
ପ୍ରଶାନ୍ତଙ୍କ ଦେହାନ୍ତ ନେଇ ମୋହୁନ ବଗାନ ଦୁଃଖ ପ୍ରକାଶ କରିବା ସହ ଅଶ୍ରୁଳ ଶ୍ରଦ୍ଧାଞ୍ଜଳି ଜଣାଇଛି । ଭାରତୀୟ ଜାତୀୟ ଫୁଟବଲ ଟିମ ସହ ମୋହୁନ ବଗାନର ମଧ୍ୟ ପୂର୍ବତନ ଗୋଲକିପର ଥିଲେ ପ୍ରଶାନ୍ତ ଦୋରା । 2001ରୁ 2005 ପର୍ଯ୍ୟନ୍ତ ସେ ମହୁନ ବଗାନର ସଦସ୍ୟ ଥିଲେ । ତାଙ୍କର ପ୍ରଭାବୀ ପ୍ରଦର୍ଶନ ବଳରେ କ୍ଳବ 2003ରେ IFA ସିଲ୍ଡ ବିଜୟୀ ହୋଇଥିଲା ।
ତାଙ୍କର ଖେଳ କ୍ୟାରିୟର ସମୟରେ, ପ୍ରଶାନ୍ତ ଟଲିଗ୍ୟୁନ ଆଗ୍ରାଗାମି, କୋଲକାତା ପୋର୍ଟ ଟ୍ରଷ୍ଟ, ମହମ୍ମେଦନ ସ୍ପୋର୍ଟିଂ, ମୋହୁନ ବଗାନ ଓ ଇଷ୍ଟ ବେଙ୍ଗଲ ପକ୍ଷରୁ ଖେଳିଛନ୍ତି । ବେଙ୍ଗଲ ଲଗାତାର ସନ୍ତୋଷ ଟ୍ରଫି ଟାଇଟେଲ ବିଜେତା ହୋଇଥିବା ସତମୟରେ ସେ ଗୋଲ୍ କିପର ରହିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
