ବୌଦ୍ଧ: ତିନି ଦିବଂଗତ ଖେଳାଳୀଙ୍କୁ ଫୁଟବଲ ଟୁର୍ଣ୍ଣାମେଣ୍ଟରେ ମାଧ୍ୟମରେ ଶ୍ରଦ୍ଧାଞ୍ଜଳି ଦେଲେ ସାଥୀ ଖେଳାଳୀ । ବୌଦ୍ଧ ଜିଲ୍ଲାର ତିନିଜଣ ଯୁବ ଫୁଟବଲ ଖେଳାଳୀଙ୍କ ଅକାଳ ବିୟୋଗରେ ହତବାକ ହୋଇଥିଲେ ସେମାନେ । ସୁଜନ,ରାଜା ଓ ଜିତୁ ଏହି ତିନିଜଣ ଯୁବ ଫୁଟବଲ ଖେଳାଳୀଙ୍କ ସ୍ମୃତିରେ ତାଙ୍କ ସାଙ୍ଗ ମିଶି ଫ୍ରଣ୍ଡସ ଫୁଟବଲ ମ୍ୟାଚର ଆୟୋଜନ କରିଛନ୍ତି।
ଗତ ଦୁଇ ଦିନ ଧରି ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟରେ 8ଟି ଦଳ ଭାଗ ନେଇଥିବା ବେଳେ ବୌଦ୍ଧ ଟିମ ଚାମ୍ପିୟାନ ହୋଇଥିଲା । ପୁରସ୍କାର ବିତରଣ ଉତ୍ସବରେ ବିଧାୟକ ପ୍ରଦୀପ କୁମାର ଅମାତ, କ୍ରୀଡା ସଙ୍ଗଠକ ଯୁଗଳ କିଶୋର ସାମଲ ଓ ବରିଷ୍ଠ ଫୁଟବଲ ଖେଳାଳୀ ଲମ୍ବୋଦର ପୁରୋହିତ ପ୍ରମୁଖ ଯୋଗ ଦେଇ ଖେଳାଳୀଙ୍କୁ ଉତ୍ସାହିତ କରିଥିଲେ । ସ୍ବର୍ଗତ ତିନି ଯୁବ ଖେଳାଳୀଙ୍କୁ ଫୁଟବଲ ଖେଳ ମାଧ୍ୟମରେ ଉପଯୁକ୍ତ ଶ୍ରଦ୍ଧାଞ୍ଜଳି ଅର୍ପଣ କରାଯାଇ ଥିବାରୁ ସାଧାରଣରେ ପ୍ରଶଂସା କରାଯାଇଛି।
ସ୍ବର୍ଗତ ଖେଳାଳୀଙ୍କୁ ଫୁଟବଲ ଟୁର୍ଣ୍ଣାମେଣ୍ଟରେ ମାଧ୍ୟମରେ ଶ୍ରଦ୍ଧାଞ୍ଜଳି
ବୌଦ୍ଧରୁ ସତ୍ୟ ନାରାୟଣ ପାଣି, ଇଟିଭି ଭାରତ
