କେନ୍ଦ୍ରାପଡା: ବିଦ୍ୟାଳୟ ପରିସରରେ ଉତ୍ତେଜନା । ଛୁରାମାଡରେ ଛାତ୍ର ଆହତ । ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ ତେଲେଙ୍ଗା ବସନ୍ତ ପଞ୍ଚାୟତ ନୋଡାଲ ହାଇସ୍କୁଲରେ ମଧ୍ୟାହ୍ନ ଭୋଜନ ବିରତି ସମୟରେ ଏଭଳି ଘଟଣା ଦେଖିବାକୁ ମିଳିଛି । ଜଣେ ଛାତ୍ର ଅନ୍ୟ ଜଣେ ଛାତ୍ରଙ୍କୁ ଛୁରା ମାରିଥିବା ନେଇ ଅଭିଯୋଗ ହୋଇଥିଲା ।
ଛାତ୍ରଙ୍କୁ ଛୁରାମାଡ:
ବିଦ୍ୟାଳୟ ପରିସରରେ ଛାତ୍ରର ଛୁରାମାଡରେ ଅନ୍ୟ ଜଣେ ଛାତ୍ର ଆହତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ବିଦ୍ୟାଳୟ ପରିସରରେ ଉତ୍ତେଜନା ଦେଖାଦେଇଥିଲା । କେନ୍ଦ୍ରାପଡ଼ା ପଟ୍ଟାମୁଣ୍ଡାଇ ଗ୍ରାମାଞ୍ଚଳ ଥାନା ଅନ୍ତର୍ଗତ ତେଲେଙ୍ଗା ବସନ୍ତ ପଞ୍ଚାୟତ ନୋଡାଲ ହାଇସ୍କୁଲରେ ଘଟିଛି ଏଭଳି ଘଟଣା । ମଧ୍ୟାହ୍ନ ଭୋଜନ ବିରତି ଚାଲୁଥିବା ସମୟରେ ଦୁଇ ଛାତ୍ରଙ୍କ ମଧ୍ୟରେ ଏପରି ଛୁରାମାଡ ଘଟଣା ଘଟିଥିଲା । ସୂଚନା ଅନୁଯାୟୀ, ଆଜି ବିଦ୍ୟାଳୟର କ୍ଳାସ ଚାଲିଥିବାବେଳେ ଉଭୟ ଛାତ୍ରଙ୍କ ମଧ୍ୟରେ କୌଣସି କାରଣରୁ ବଚସା ହୋଇଥିଲା। ଶିକ୍ଷକ ଆସି ଦୁହିଁଙ୍କୁ ଆକଟ କରିବାରୁ ପରିସ୍ଥିତି ଶାନ୍ତ ପଡିଥିଲା । ହେଲେ ମଧ୍ୟାହ୍ନ ଭୋଜନ ସମୟରେ ଏକ ଧାରୁଆ ଅସ୍ତ୍ର ସାହାଯ୍ୟରେ ସେମାନଙ୍କ ମଧ୍ୟରୁ ଜଣେ ଅନ୍ୟ ଜଣେ ଛାତ୍ରଙ୍କୁ ଛୁରୀ ସାହାଯ୍ୟରେ ଆକ୍ରମଣ କରିଛନ୍ତି ।
ଶିକ୍ଷକଙ୍କ ପ୍ରତିକ୍ରିୟା:
ଆକ୍ରମଣର ଶିକାର ହୋଇଥିବା ଛାତ୍ର ଜଣଙ୍କର ରକ୍ତସ୍ରାବ ହେବାରୁ ଶିକ୍ଷକ ତାଙ୍କୁ ସ୍ଥାନୀୟ ପଟ୍ଟାମୁଣ୍ଡାଇ ଉପ ଚିକିତ୍ସାକେନ୍ଦ୍ରକୁ ଆଣି ଚିକିତ୍ସା କରାଇଛନ୍ତି । ଘଟଣା ସମ୍ପର୍କରେ ପ୍ରତିକ୍ରିୟା ରଖି ଶିକ୍ଷକ ସୁଶାନ୍ତ କୁମାର ଦାସ କହିଛନ୍ତି, "ଖାଇସାରିବା ସମୟରେ ସେମାନଙ୍କ ପରସ୍ପର ଭିତରେ କ'ଣ ହୋଇଛି । ବହୁତ ପିଲା ଏକାଠି ହୋଇଥିଲେ, ଛୋଟ କ୍ୟାମ୍ପସ । ସମୟରେ ଘର ନିର୍ମାଣ ପାଇଁ ଯେଉଁ ବାଲି ଗଦା ହୋଇଛି ସେଠାରେ ଖେଳିବା ସମୟରେ ଏଭଳି ଗଣ୍ଡଗୋଳ ହୋଇଛି । ଆମେ କେବେ ଛୁରୀ ସ୍କୁଲରେ ଦେଖିନଥିଲୁ ସେ ଯେଉଁଥିରେ ଆକ୍ରମଣ କରିଛି ତାହା ଛୁରା ନୁହେଁ, ତାହା କତୁରୀର ଏକ ଅଂଶ । ମୁଁ ସଙ୍ଗେସଙ୍ଗେ ଛାତ୍ର ଜଣଙ୍କୁ ନେଇ ମେଡିକାଲ ପଳାଇ ଆସିଲି ।"
ଇଟିଭି ଭାରତ, କେନ୍ଦ୍ରାପଡା
