ଲଣ୍ଡନ: ଚଳିତ ଇଂଲିସ ପ୍ରିମିୟର ଲିଗ(EPL)ରେ ମାଞ୍ଚେଷ୍ଟର ୟୁନାଇଟେଡ, ଚମ୍ପିଆନ୍ସ ଲିଗ ଯୋଗ୍ୟତା ଅର୍ଜନ କରିବା ନେଇ ଆଶାବାଦୀ ରହିଛି । କ୍ରୀଷ୍ଟଲ ପ୍ୟାଲେସକୁ 2-0ରେ ପରାସ୍ତ କରିବା ପରେ ଏହି ସମ୍ଭାବନା ବୃଦ୍ଧି ପାଇଛି । ୟୁନାଇଟେଡର ଦୁଇ ଷ୍ଟାର ଖେଳାଳି ଆନ୍ଥୋନି ମାର୍ସିଆଲ ଓ ମାର୍କସ ରସଫୋର୍ଡ ଦୁଇଟି ଦମଦାର ଗୋଲ କରିଥିଲେ ।
ଶ୍ରେଷ୍ଠ 4ଟି ଟିମ ଚମ୍ପିଆନ୍ସ ଲିଗ ଟୁର୍ଣ୍ଣାମେଣ୍ଟ ପାଇଁ ଯୋଗ୍ୟତା ଅର୍ଜନ କରିବେ । ବର୍ତ୍ତମାନ ୟୁନାଇଟେଡ 62 ପଏଣ୍ଟ ସହ 5ମ ସ୍ଥାନରେ ରହିଛି । ତେବେ ପଏଣ୍ଟ ସମାନ ଥିଲେ ମଧ୍ୟ ଗୋଲ ବ୍ୟବଧାନ ଆଧାରରେ ଲିସଷ୍ଟର ସିଟି 4ର୍ଥ ସ୍ଥାନରେ ରହିଛି । 63 ପଏଣ୍ଟ ସହ 3ୟ ସ୍ଥାନରେ ଚେଲସିୟା ରହିଛି ।
ତେବେ ୟୁନାଇଟେଡର ପରବର୍ତ୍ତୀ ମୁକାବିଲା ଲିସଷ୍ଟର ସିଟି ସହ ରହିଛି । ଏହି ମୁକାବିଲାରେ 4ର୍ଥ ସ୍ଥାନ ପାଇଁ ଉଭୟ ଟିମରେ ନିର୍ଣ୍ଣାୟକ ଲଢେଇ ହେବ ।
