ଲଣ୍ଡନ: ଭାରତ ଓ ଅଷ୍ଟ୍ରେଲିଆ ମଧ୍ୟରେ ଜାରି ରହିଥିବା ବିଶ୍ବ ଟେଷ୍ଟ ଚମ୍ପିଆନସିପ୍ ଫାଇନାଲ ମ୍ୟାଚ୍ର ତୃତୀୟ ଦିନ ଖେଳ ଶେଷ ହୋଇଛି । ଆଜିର ଖେଳ ଶେଷ ସୁଦ୍ଧା ଅଷ୍ଟ୍ରେଲିଆ ୪ ୱିକେଟ ହରାଇ ୧୨୩ ରନ୍ କରିଛି । ଏହା ସହିତ ୨୯୬ ରନ୍ ଲିଡ୍ ନେଇ ଅଷ୍ଟ୍ରେଲିଆ ଦଳ ମ୍ୟାଚ୍ରେ ଏକ ମଜଭୁତ ସ୍ଥିତିରେ ରହିଛି । ଭାରତ ପକ୍ଷରୁ ଜାଡେଜା ଦୁଇଟି ୱିକେଟ ନେଇଥିବା ବେଳେ ଗୋଟିଏ ଲେଖାଏଁ ୱିକଟେ ନେଇଛନ୍ତି ଉମେଶ ଯାଦବ ଓ ସିରାଜ ।
-
Australia are piling on a sizeable lead at The Oval to take a hold in the #WTC23 Final 💪#AUSvIND pic.twitter.com/UspU0fDETC
— ICC (@ICC) June 9, 2023 " class="align-text-top noRightClick twitterSection" data="
">Australia are piling on a sizeable lead at The Oval to take a hold in the #WTC23 Final 💪#AUSvIND pic.twitter.com/UspU0fDETC
— ICC (@ICC) June 9, 2023Australia are piling on a sizeable lead at The Oval to take a hold in the #WTC23 Final 💪#AUSvIND pic.twitter.com/UspU0fDETC
— ICC (@ICC) June 9, 2023
ଦ୍ବିତୀୟ ପାଳି ଆରମ୍ଭରୁ ଭାରତୀୟ ବୋଲର ଦମଦାର ବୋଲିଂ କରିଥିଲେ । ଶସ୍ତାରେ ୱାର୍ଣ୍ଣରଙ୍କୁ ପାଭିଲିୟନକୁ ପଠାଇଥିଲେ ମହମ୍ମଦ ସିରାଜ । ଉସମାନ ଖ୍ବାଜା ମଧ୍ୟ ୧୩ ରନ୍ କରି ଉମେଶ ଯାଦବଙ୍କ ବଲ୍ରେ ଆଉଟ ହୋଇଥିଲେ । ଏହାପରେ ମାର୍ଣ୍ଣସ ଲାବୁସାନ ଓ ଷ୍ଟଭ୍ ସ୍ମିଥ୍ ପାଳି ସମ୍ଭାଳିଥିଲେ । ଉଭୟଙ୍କ ମଧ୍ୟରେ ଅର୍ଦ୍ଧଶତକୀୟ ଭାଗିଦାରୀ ହୋଇଥିଲା । ଏହାପରେ ଷ୍ଟିଭ୍ ସ୍ମିଥ୍ଙ୍କୁ ଆଉଟ କରିଥିଲେ ରବୀନ୍ଦ୍ର ଜାଡେଜା । ଏହାପରେ ପ୍ରଥମ ଇନିଂସରେ ଧୂଆଁଧାର ପାଳି ଖେଳିଥିବା ଟ୍ରାଭିସ ହେଡ୍ ପୁଣି ବଡ଼ ସଟ୍ ଖେଳି ଆରମ୍ଭ କରିଥିଲେ । ତେବେ ମାତ୍ର ୧୮ ରନ୍ କରିଥିବା ବେଳେ ତାଙ୍କୁ ଶିକାର କରିଛନ୍ତି ଜାଡେଜା । ବର୍ତ୍ତମାନ ପିଚ୍ରେ ଲାବୁସାନ କ୍ୟାମେରନ୍ ଗ୍ରୀନ ବ୍ୟାଟିଂ କରୁଛନ୍ତି ।
ସେପଟେ ତୃତୀୟ ଖେଳ ଆରମ୍ଭରୁ ଭାରତ ଶ୍ରୀକର ଭରତଙ୍କ ୱିକେଟ ହରାଇଥିଲା । ଏହାପରେ ସାର୍ଦ୍ଦୁଲ ଠାକୁର ଓ ଆଜିଙ୍କ୍ୟ ରାହାଣେଙ୍କ ମଧ୍ୟରେ ଏକ ଶତକୀୟ ଭାଗିଦାରୀ ଦେଖିବାକୁ ମିଳିଥିଲା । ଯାହାଫଳରେ ଭାରତ ଫଲୋଅନ୍ ଏଡ଼ାଇବାରେ ସକ୍ଷମ ହୋଇଥିଲା । ଲଞ୍ଚ ବ୍ରେକ୍ ପରେ ଆଜିଙ୍କ୍ୟ ରାହାଣେ ୮୯ ରନ୍ କରି ୱିକେଟ ହରାଇଥିଲେ । ଏହାପରେ ସାର୍ଦ୍ଦୁଲ ଠାକୁର ମଧ୍ୟ ଓଭାଲ ଗ୍ରାଉଣ୍ଡରେ ନିଜର ତୃତୀୟ ଅର୍ଦ୍ଧଶତକ ପୂରଣ କରିଥିଲେ । ଏଭଳି ଭାବରେ ସେ ସାର୍ ଡନ୍ ବ୍ରାଡ୍ମ୍ୟାନ୍ଙ୍କ ରେକର୍ଡର ସମକକ୍ଷ ହୋଇଛନ୍ତି । ୨୯୬ ରନ୍ରେ ଅଲଆଉଟ ହୋଇଥିଲା ଟିମ୍ ଇଣ୍ଡିଆ । ଏହାପରେ ୧୭୩ ରନ୍ ଲିଡ୍ ନେଇ ଦ୍ବିତୀୟ ଇନିଂସ ଆରମ୍ଭ କରିଥିଲା ଅଷ୍ଟ୍ରେଲିଆ । ପଡ଼ିଆକୁ ଓହ୍ଲାଇ ଆକ୍ରାମକ ଖେଳ ପ୍ରଦର୍ଶନ କରିଛି ଅଷ୍ଟ୍ରେଲିଆ । କାଲି ଦଳ ପାଳି ଘୋଷଣା କରିପାରେ । ଏହାପରେ ପୁନଃ ବ୍ୟାଟିଂ ପାଇଁ ଓହ୍ଲାଇ ପାରେ ଭାରତ । ମ୍ୟାଚ୍ ଜିତିବାକୁ ଆସନ୍ତା କାଲି ଅଷ୍ଟ୍ରେଲିଆ ଜୋରଦାର ପ୍ରୟାସ କରିବ । ଏଣୁ ଭାରତ ବ୍ୟାଟିଂ ଲାଇନ୍ ଉପରେ ରହିବ ନଜର ।
