ଫ୍ଲୋରିଡା: ଆଜି ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ଜାରି ରହିଥିବା ଟି୨୦ ସିରିଜର ଚତୁର୍ଥ ମ୍ୟାଚ୍ । ଟସ ଜିତି ୱେଷ୍ଟଇଣ୍ଡିଜ ଅଧିନାୟକ ନିକୋଲସ ପୁରନ ପ୍ରଥମେ ବୋଲିଂ ନିଷ୍ପତ୍ତି ନେଇଛନ୍ତି । ଆଘାତ ଲାଗି ପୂର୍ବ ମ୍ୟାଚରୁ ବାଦ ପଡ଼ିଥିବା ଭାରତୀୟ ଅଧିନାୟକ ରୋହିତ ଶର୍ମା ପୁଣି ଚୂଡ଼ାନ୍ତ ଏକାଦଶରେ ସାମିଲ ହୋଇଛନ୍ତି । ୩ଟି ମ୍ୟାଚ୍ ଖେଳାଯାଇଥିବା ବେଳେ ଆଜିର ମ୍ୟାଚ୍ ଆମେରିକାର ଫ୍ଲୋରିଡାରେ ଖେଳାଯାଉଛି ।
୫ ମ୍ୟାଚ୍ ବିଶିଷ୍ଟ ସିରିଜରେ ଭାରତ ୨-୧ରେ ଆଗୁଆ ରହିଥିବା ବେଳେ ଆଜି ସିରିଜ ହାତେଇବା ଲକ୍ଷ୍ୟରେ ରହିଛି ରୋହିତ ବାହିନୀ । ଅନ୍ୟପଟେ ନିକୋଲାସ ପୁରନଙ୍କ ଇଣ୍ଡିଜ ଟିମ ପାଇଁ ଏହି ମ୍ୟାଚ କର ବା ମର ପରିସ୍ଥିତି ସୃଷ୍ଟି କରିଛି ।
ଭାରତୀୟ ଦଳ (ଚୂଡ଼ାନ୍ତ ଏକାଦଶ): ରୋହିତ ଶର୍ମା(c), ଋଷଭ ପନ୍ତ(wk), ସଞ୍ଜୁ ସାମସନ, ସୂର୍ଯ୍ୟକୁମାର ଯାଦବ, ଦିପକ ହୁଡ୍ଡା, ଦିନେଶ କାର୍ତ୍ତିକ, ଅକ୍ଷର ପଟେଲ, ଭୁବନେଶ୍ବର କୁମାର, ରବି ବିଷ୍ନୋୟୀ, ଅଭେଷ ଖାନ, ଅର୍ଶଦୀପ ସିଂ
ୱେଷ୍ଟଇଣ୍ଡିଜ ଦଳ (ଚୂଡ଼ାନ୍ତ ଏକାଦଶ): ବ୍ରେଣ୍ଡନ୍ କିଙ୍ଗ, କେଲ୍ ମେୟର୍ସ, ନିକୋଲାସ ପୁରନ (ଅଧିନାୟକ), ରୋଭମାନ୍ ପାଓ୍ବେଲ, ସିମରନ୍ ହିଟମେୟର, ଡେଭନ୍ ଥୋମାସ (ଓ୍ବିକେଟ କିପର), ଜସନ ହୋଲ୍ଡର, ଡୋମନିକ୍ ଡ୍ରେକେସ୍, ଅକେଏଲ୍ ହୋସେଇନ୍, ଅଲଜରି ଜୋସେଫ୍, ଓବେଡ୍ ମକାଏ
