ରୋମାଣ୍ଟିକ ହେଲେ କୋହଲି, ଅନୁଷ୍କାଙ୍କ ଫୋଟ ପୋଷ୍ଟ କରି ଲେଖିଲେ ମାଇଁ ୱାର୍ଲ୍ଡ ମାଇଁ ଲଭ

ବିରାଟ କୋହଲି ତାଙ୍କ ଟ୍ବିଟର ଆକାଉଣ୍ଟରେ ଅନୁଷ୍କା ଶର୍ମାଙ୍କର ଏକ ଫୋଟ ଅପଲୋଡ କରି କ୍ୟାପସନ ଦେଇଛନ୍ତି ମୋ ଦୁନିଆ ମୋ ପ୍ରେମ ( My World My Love ) । ତେବେ ତାଙ୍କର ଏହି ଟ୍ବିଟ ପରେ ପ୍ରଶଂସକଙ୍କର ବିଭିନ୍ନ ପ୍ରତିକ୍ରିୟା ଆସିବାକୁ ଲାଗିଛି । ଅଧିକ ପଢନ୍ତୁ

ହାଇଦ୍ରାବାଦ: ଭଲ ଫର୍ମରେ କମ ବ୍ୟାକ କରିଛନ୍ତି ଭାରତୀୟ ଦଳର ଷ୍ଟାର ବ୍ୟାଟ୍ସମ୍ୟାନ୍ ବିରାଟ କୋହଲି ( Indian Cricketer Virat Kohli ) । ପାକିସ୍ତାନ ବିପକ୍ଷ ମ୍ୟାଚରେ ବିରାଟ ଭଲ ପାଳି ଆରମ୍ଭ କରି ଆଉଟ ହୋଇଥିଲେ ମଧ୍ୟ ହଂକଂ ବିପକ୍ଷ ମ୍ୟାଚରେ ବିରାଟଙ୍କ ଅର୍ଦ୍ଧଶତକ ଦେଖିବାକୁ ମିଳିଥିଲା । ସେପଟେ କିମ୍ବଦନ୍ତୀ ଗାୟକ କିଶୋର କୁମାରଙ୍କ ବଙ୍ଗଳାରେ ବିରାଟ ଖୋଲିବାକୁ ଯାଉଛନ୍ତି ନିଜର ୱାନ୮ କମ୍ୟୁନ ରେଷ୍ଟୁରାଣ୍ଟ । ତେବେ ଏହାରି ଭିତରେ ବିରାଟ ପତ୍ନୀ ଅନୁଷ୍କା ଶର୍ମାଙ୍କୁ କୌଣସି ମୁହୂର୍ତ୍ତ ପାଇଁ ପାସୋରି ପାରି ନାହାଁନ୍ତି । ବିରାଟ ତାଙ୍କ ଟ୍ବିଟର ଆକାଉଣ୍ଟରେ ଅନୁଷ୍କାଙ୍କର ଏକ ଫୋଟ ଅପଲୋଡ କରି କ୍ୟାପସନ ଦେଇଛନ୍ତି ମୋ ଦୁନିଆ ମୋ ପ୍ରେମ ( My World My Love ) । ତେବେ ତାଙ୍କର ଏହି ଟ୍ବିଟ ପରେ ପ୍ରଶଂସକଙ୍କର ବିଭିନ୍ନ ପ୍ରତିକ୍ରିୟା ଆସିବାକୁ ଲାଗିଛି । ବିରାଟ ଅନୁଷ୍କାଙ୍କର ଏକ ସନକିସଡ୍ ଫଟୋ ସେୟାର କରିଛନ୍ତି । ଯେଉଁଥିରେ ଅନୁଷ୍କା ଏକ କଳା ରଙ୍ଗର ଆଉଟଫିଟ୍‌ରେ ନଜର ଆସିଛନ୍ତି ।

• My 🌍♥️ pic.twitter.com/LCVVHTsfFh

  — Virat Kohli (@imVkohli) September 2, 2022 " class="align-text-top noRightClick twitterSection" data="

  My 🌍♥️ pic.twitter.com/LCVVHTsfFh

  — Virat Kohli (@imVkohli) September 2, 2022

  ">

  My 🌍♥️ pic.twitter.com/LCVVHTsfFh

  — Virat Kohli (@imVkohli) September 2, 2022

ପ୍ରାୟ ମାସେ ପରେ ବିରାଟ ଦଳକୁ ଏସିଆ କପରେ ପ୍ରତ୍ୟାବର୍ତ୍ତନ କରିଛନ୍ତି । ପାକିସ୍ତାନ ବିପକ୍ଷ ମ୍ୟାଚରେ ବିରାଟ ତାଙ୍କ ୧୦୦ ତମ ଟି-୨୦ ଅନ୍ତର୍ଜାତୀୟ ମ୍ୟାଚ ଖେଳି ଭଲ ପାଳି ଆରମ୍ଭ କରି ୩୫ ରନ କରି ଆଉଟ ହୋଇଯାଇଥିଲେ । ସେହିପରି ହଂକଂ ବିପକ୍ଷ ମ୍ୟାଚରେ ବିରାଟ ୪୪ ବଲରୁ ଗୋଟିଏ ଚୌକା ୩ ଟି ଛକା ମାରି ୫୯ ରନର ଇନିଂସ ଖେଳି ଅପରାଜିତ ରହିଥିଲେ । ତେବେ ବିରାଟଙ୍କ ଏପରି ପ୍ରଦର୍ଶନ ଟିମ ଇଣ୍ଡିଆ ପାଇଁ ଶୁଭ ସଙ୍କେତ ଆଶା କରାଯାଇପାରେ । ବିରାଟ ଏବେ ଏସିଆ କପ ପାଇଁ UAE ରେ ଅଛନ୍ତି । ହେଲେ ସେ ନିଜ ପତ୍ନୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କୁ ( Bollywood Star Anushka Sharma ) ନିଜ ଭାବନରୁ କୌଣସି ମୁହୂର୍ତ୍ତ ପାଇଁ ଦୂରେଇ ଦେଇ ନାହାଁନ୍ତି । ଟ୍ବିଟରରେ ଆଜି ଅନୁଷ୍କା ଶର୍ମାଙ୍କ ଏକ ଫୋଟୋ ପୋଷ୍ଟ କରି ବିରାଟ ଲେଖିଛନ୍ତି ମୋ ଦୁନିଆ ମୋ ପ୍ରେମ ( My World, My Love ) । ଯେଉଁଥିରେ ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ରୋମାଣ୍ଟିକ ଲୁକରେ ବ୍ଲାକ ଆଉଟ ଫିଟରେ ନଜର ଆସିଛନ୍ତି । ଅନୁଷ୍କା ସେଥିରେ ବ୍ଲାକ ଆଉଟ ଫିଟ ପିନ୍ଧି ମୁହଁରେ ଅଧା କେଶ ପକାଇ ଦୁଇ ହାତକୁ ମୁଣ୍ଡ ଉପରେ ରଖି ହାଲୁକା ସ୍ମାଇଲ ରଖିଛନ୍ତି । ତେବେ ବିରାଟ କୋହଲିଙ୍କର ଏହି ଟ୍ବିଟ ପରେ ପ୍ରଶଂସକ ମହଲରେ ବିଭିନ୍ନ ପ୍ରତିକ୍ରିୟା ପ୍ରକାଶ ପାଇବାକୁ ଲାଗିଛି ।

ସେପଟେ ବିରାଟ କିମ୍ବଦନ୍ତୀ ଗାୟକ କିଶୋର କୁମାରଙ୍କ ବଙ୍ଗଳାରେ ରେଷ୍ଟୁରାଣ୍ଟ ଖୋଲିବାକୁ ଯାଉଛନ୍ତି । ଏନେଇ ବିରାଟ କୋହଲି ମୁମ୍ବାଇର ଜୁହୁ ଅଞ୍ଚଳରେ ଥିବା କିଶୋର କୁମାରଙ୍କ ବଙ୍ଗଳା ଗୈରୀ କୁଞ୍ଜର କିଛି ଅଂଶ ଲିଜରେ ନେଇଛନ୍ତି । ବିରାଟଙ୍କ ପୂର୍ବ ରେଷ୍ଟୁରାଣ୍ଟ ୱାନ୮ କମ୍ୟୁନ ଆଧାରରେ ଏହି ରେଷ୍ଟୁରାଣ୍ଟ ନିର୍ମାଣ ହେବ । ୱାନ୮ କମ୍ୟୁନ ଇନଷ୍ଟାଗ୍ରାମ ବାୟୋରେ ଜୁହୁ ମୁମ୍ବାଇ ଖୁବଶ୍ରୀଘ୍ର ଆସୁଅଛି ଲେଖାଯାଇଛି । ୱାନ୮ କମ୍ୟୁନ ରେଷ୍ଟୁରାଣ୍ଟ ବିରାଟଙ୍କ ବାସଭବନ ଦିଲ୍ଲୀ, କୋଲକାତା, ଏବଂ ପୁନେରେ ରହିଛି ଆଗକୁ ମୁମ୍ବାଇ ଜୁହୁରେ ନିର୍ମାଣ ହେବାକୁ ଯାଉଛି । ବିରାଟଙ୍କ ଏହି ୱାନ୮ କମ୍ୟୁନ ବ୍ରାଣ୍ଡ ରେଷ୍ଟୁରାଣ୍ଟ ତାଙ୍କ ଜର୍ସୀ ନମ୍ବର ୧୮ ଆଧାରରେ ରଖା ଯାଇଛି ।