ଦୁବାଇ: ଚଳିତ ଟି-୨୦ ବିଶ୍ବକପର ଗ୍ରୁପ ୧ ସୁପର ୧୨ ମ୍ୟାଚ୍ରେ ଶ୍ରୀଲଙ୍କାକୁ ୭ ୱିକେଟରେ ହରାଇଲା ଅଷ୍ଟ୍ରେଲିଆ । ୧୫୫ ରନ୍ର ବିଜୟ ଲକ୍ଷ୍ୟକୁ ୩ ୱିକେଟ ହରାଇ ୧୭ ଓଭରରେ ହାସଲ କରିନେଇଛି ଆରୋନ ଫିଞ୍ଚ୍ଙ୍କ ଟିମ । ଟିମ ପକ୍ଷରୁ ଓପନର ଡେଭିଡ ୱାର୍ଣ୍ଣର ୪୨ ବଲ୍ରୁ ମ୍ୟାଚ୍ ବିଜୟୀ ୬୫ ରନ୍ର ଅର୍ଦ୍ଧଶତକୀୟ ଇଂନିସ ଖେଳିଥିଲେ ।
କ୍ୟାପଟେନ ଆରୋନ ଫିଞ୍ଚ୍ ମଧ୍ୟ ୨୩ ବଲ୍ରୁ ୩୭ ରନ୍ର ଦ୍ରୁତ ଇଂନିସ ଖେଳିଥିଲେ । ଷ୍ଟିଭେନ ସ୍ମିଥ ୨୮ ଓ ମାର୍କସ ଷ୍ଟୋଇନିସ ୧୬ ରନ୍ରେ ଅପରାଜିତ ରହିବା ସହ ଅଷ୍ଟ୍ରେଲିଆକୁ ବିଜୟୀ କରାଇଥିଲେ ।
ଶ୍ରୀଲଙ୍କା ପକ୍ଷରୁ ସ୍ପିନର ୱାହିନ୍ଦୁ ହସରଙ୍ଗା ୨ଟି ଓ ଦାସନ ସନାକା ଗୋଟିଏ ୱିକେଟ ଅକ୍ତିଆ କରିଥିଲେ ।
ପୂର୍ବରୁ କୁଶଲ ପରେରାଙ୍କ ୩୫, ଓ ଅସଲଙ୍କାଙ୍କ ୩୫ ରନ୍ର ବଳରେ ନିର୍ଦ୍ଧାରିତ ୨୦ ଓଭରରେ ୬ ୱିକେଟ ହରାଇ ୧୫୪ ରନ୍ ସଂଗ୍ରହ କରିଥିଲା ଶ୍ରୀଲଙ୍କା ।
ବ୍ୟୁରୋ ରିପୋର୍ଟ, ଇଟିଭି ଭାରତ
