ଦୁବାଇ: ଆଇପିଏଲର ୩୯ତମ ମ୍ୟାଚ୍ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଓ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଉଛି । ପ୍ରଥମ ବ୍ୟାଟିଂ କରି ବିରାଟ କୋହଲିଙ୍କ RCB, ନିର୍ଦ୍ଧାରିତ ୨୦ ଓଭରରେ ୬ ୱିକେଟ ହରାଇ ୧୬୫ ରନ୍ ସଂଗ୍ରହ କରିଛି । ଫଳରେ ମୁମ୍ବାଇ ଇଣ୍ଡିଆନ୍ସ ସାମ୍ନାରେ ୧୬୬ ରନ୍ର ବିଜୟ ଲକ୍ଷ୍ୟ ରହିଛି ।
ବାଙ୍ଗାଲୋର ପକ୍ଷରୁ ଗ୍ଳେନ ମାକ୍ସୱେଲ ୩୭ ବଲ୍ରୁ ୬ ଚୌକା ଓ ୩ ଛକା ସହାୟତାରେ ୫୬ ଓ ବିରାଟ କୋହଲି ୪୨ ବଲ୍ରୁ ୩ ଚୌକା ଓ ୩ ଛକା ସହାୟତାରେ ୫୧ ରନ୍ର ଅର୍ଦ୍ଧଶତକୀୟ ଇଂନିସ ଖେଳିଥିଲେ । ଶ୍ରୀକର ଭାରତ ୩୨ ଓ ଏବି ଡିଭିଲିୟର୍ସ ୧୧ ରନ୍ କରିଥିଲେ ।
ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଜଶପ୍ରୀତ ବୁମରା ସର୍ବାଧିକ ୩ଟି ୱିକେଟ ଅକ୍ତିଆର କରିଥିଲେ । ଟ୍ରେଣ୍ଟ ବୋଲ୍ଟ, ଆଡମ ମିଲନେ ଓ ରାହୁଲ ଚହର ଗୋଟିଏ ଲେଖାଏଁ ସଫଳତା ହାସଲ କରିଥିଲେ ।
ମୁମ୍ବାଇ ଇଣ୍ଡିଆନ୍ସ ପଏଣ୍ଟ ଟେବୁଲର ଷଷ୍ଠ ସ୍ଥାନରେ ରହିଛି । ଫଳରେ ଏହି ମ୍ୟାଚ୍ରେ ନିଶ୍ଚିନ୍ତ ବିଜୟ ଲକ୍ଷ୍ୟରେ ରହିଛି ରୋହିତ ଶର୍ମାଙ୍କ ଟିମ ।
ବ୍ୟୁରୋ ରିପୋର୍ଟ, ଇଟିଭି ଭାରତ
