Cricket World Cup 2023: ରସିଦ ଖାନଙ୍କ ବଦାନ୍ୟତା, ଭୂକମ୍ପ ପୀଡ଼ିତଙ୍କୁ ଦେବେ ବିଶ୍ବକପ୍‌ ମ୍ୟାଚ୍‌ ଫି'

ବିଶ୍ବକପ୍‌ ୨୦୨୩ ପାଇଁ ଭାରତ ଗସ୍ତରେ ରହିଛି ଆଫଗାନିସ୍ତାନ କ୍ରିକେଟ ଟିମ୍‌ । ଏହାରି ଭିତରେ ଆଫଗାନିସ୍ତାନରେ ଏକ ବଡ଼ ଧରଣର ଭୂକମ୍ପ ହୋଇଛି । ଯେଉଁଥିରେ ପ୍ରାୟ ୨୦୦୦ରୁ ଅଧିକା ଲୋକ ମୃତାହତ ହୋଇଥିବାବେଳେ ପ୍ରାୟ ୧୦୦୦ରୁ ଅଧିକ ଆହତ ହୋଇଛନ୍ତି । ତେବେ ଏଥିରେ ପୀଡ଼ିତ ଲୋକଙ୍କୁ ସାହାଯ୍ୟ କରିବାକୁ ବଡ଼ ଘୋଷଣା କରିଛନ୍ତି ଆଫଗାନିସ୍ତାନ ବୋଲର ରସିଦ ଖାନ । ଅଧିକ ପଢ଼ନ୍ତୁ

ହାଇଦ୍ରାବାଦ: ଜାରି ରହିଛି ବିଶ୍ବକପ୍‌ ୨୦୨୩ । ଚଳିତ ବର୍ଷ ଭାରତ ଘରୋଇ ମାଟିରେ ବିଶ୍ବକପ୍‌ ଆୟୋଜନ କରୁଥିବାବେଳେ ୧୦ ଦଳ ମଧ୍ୟରେ ମୁକାବିଲା ଖେଳାଯାଉଛି । ଏହି ହାଇପ୍ରୋଫାଇଲ ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରୁଥିବା ସମସ୍ତ ଦଳ ଏବେ ଭାରତରେ ଅଛନ୍ତି । ନିକଟରେ ଆଫଗାନିସ୍ତାନ ମଧ୍ୟ ବାଂଲାଦେଶ ବିପକ୍ଷରେ ନିଜର ବିଶ୍ବକପ୍‌ ଅଭିଯାନ ଆରମ୍ଭ କରିସାରିଛି । ଏହାରି ଭିତରେ ଶନିବାର ଆଫଗାନିସ୍ତାନରେ ଏକ ଶକ୍ତିଶାଳୀ ଭୂକମ୍ପ ହୋଇଛି । ଯେଉଁଥିରେ ବର୍ତ୍ତମାନ ସୁଦ୍ଧା ପ୍ରାୟ ୨୦୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି, ୯୦୦୦ରୁ ଅଧିକ ଲୋକ ଆହତ ହୋଇଛନ୍ତି ଏବଂ ୧୩୦୦ରୁ ଅଧିକ ଘର ନଷ୍ଟ ହୋଇଯାଇଥିବା ତାଲିବାନ ସରକାର ସୂଚନା ଦେଇଛନ୍ତି । ଯାହାକୁ ନେଇ ଭାରତରେ ଥିବା ଆଫଗାନୀ ଦଳ ଚିନ୍ତା ପ୍ରକଟ କରିଛି ।

• I learned with great sadness about the tragic consequences of the earthquake that struck the western provinces (Herat, Farah, and Badghis) of Afghanistan.
  I am donating all of my #CWC23 match fees to help the affected people.
  Soon, we will be launching a fundraising campaign to… pic.twitter.com/dHAO1IGQlq

  — Rashid Khan (@rashidkhan_19) October 8, 2023 " class="align-text-top noRightClick twitterSection" data="

  I learned with great sadness about the tragic consequences of the earthquake that struck the western provinces (Herat, Farah, and Badghis) of Afghanistan.
  I am donating all of my #CWC23 match fees to help the affected people.
  Soon, we will be launching a fundraising campaign to… pic.twitter.com/dHAO1IGQlq

  — Rashid Khan (@rashidkhan_19) October 8, 2023

  ">

  I learned with great sadness about the tragic consequences of the earthquake that struck the western provinces (Herat, Farah, and Badghis) of Afghanistan.
  I am donating all of my #CWC23 match fees to help the affected people.
  Soon, we will be launching a fundraising campaign to… pic.twitter.com/dHAO1IGQlq

  — Rashid Khan (@rashidkhan_19) October 8, 2023

ଆଫଗାନିସ୍ତାନର ଷ୍ଟାର୍‌ ସ୍ପିନର ରସିଦ ଖାନ ବିଶ୍ବ କ୍ରିକେଟ୍‌ର ଜଣେ ଲୋକପ୍ରିୟ ତଥା ମହାନ ସ୍ପିନର ଭାବେ ଜଣାଶୁଣା । ସେ ଯେମିତି ଜଣେ ଭଲ ବୋଲର, ସେମିତି ଭଲ ମଣିଷ ମଧ୍ୟ ଅଟନ୍ତି । ସେ ଅନେକ ଥର ଏହାର ପ୍ରମାଣ ଦିଅନ୍ତି, ଆଉ ଆଜି ସେ ଏହାର ଆଉ ଏକ ପ୍ରମାଣ ଦେଇଛନ୍ତି । ନିଜ ଦେଶରେ ହୋଇଥିବା ଭୂକମ୍ପରେ ପୀଡିତ ଲୋକଙ୍କୁ ସାହାଯ୍ୟ କରିବା ପାଇଁ ସେ ବିଶ୍ବକପରେ ମିଳିବାକୁ ଥିବା ତାଙ୍କର ସମସ୍ତ ମ୍ୟାଚ୍ ଫି ଦାନ କରିବାକୁ ଘୋଷଣା କରିଛନ୍ତି । ଏନେଇ ରସିଦ ତାଙ୍କ ଅଫିସିଆଲ ଏକ୍ସ ହ୍ୟାଣ୍ଡେଲ୍‌ରେ ଘୋଷଣା କରିଛନ୍ତି ।

ସେ ନିଜ ପୋଷ୍ଟରେ ଲେଖିଛନ୍ତି, "ଆଫଗାନିସ୍ତାନର ପଶ୍ଚିମ ପ୍ରଦେଶ (ହେରାତ, ଫରାହ ଏବଂ ବାଦଗିସ୍)ରେ ହୋଇଥିବା ଭୟଙ୍କର ଭୂକମ୍ପର ଦୁଃଖଦ ପରିଣାମ ବିଷୟରେ ଜାଣି ମୁଁ ଅତ୍ୟନ୍ତ ଦୁଃଖିତ । ଏହି ଭୂକମ୍ପରେ ପ୍ରଭାବିତ ଲୋକଙ୍କୁ ସାହାଯ୍ୟ କରିବା ପାଇଁ ମୁଁ ମୋର ସମସ୍ତ କ୍ରିକେଟ୍ ବିଶ୍ବକପ୍‌ ୨୦୨୩ ମ୍ୟାଚ୍‌ ଫି ଦାନ କରୁଛି । ଆମେ ଅତିଶୀଘ୍ର ଏକ ପାଣ୍ଠି ସଂଗ୍ରହ ଅଭିଯାନ ଆରମ୍ଭ କରିବୁ, ଯିଏ ସାହାଯ୍ୟ କରିପାରିବେ ସେମାନଙ୍କ ଠାରୁ ସାହାଯ୍ୟ ଲୋଡ଼ିବୁ । ଏହାମାଧ୍ୟମରେ ଆମେ ପୀଡିତମାନଙ୍କୁ ସାହାଯ୍ୟ କରିପାରିବୁ ।"

ପ୍ରକାଶଯୋଗ୍ୟ, ଆମେରିକୀୟ ପାଣିପାଗ ସଂସ୍ଥାର ସୂଚନା ଅନୁସାରେ ଆଫଗାନିସ୍ତାନରେ ହୋଇଥିବା ଏହି ଭୂକମ୍ପର କେନ୍ଦ୍ରସ୍ଥଳୀ ହେରାତ ସହର ହୋଇଥିବାବେଳେ ଏହି କମ୍ପନ ପ୍ରାୟ ୭.୭ କିମି ଗଭୀରରେ ହୋଇଥିଲା । ପ୍ରଥମ ଝଟ୍‌କାର ତୀବ୍ରତା ୬.୩ ମ୍ୟାଗ୍ନିଚ୍ୟୁଡ ଥିଲା । ପରେ ପୁଣି ଥରେ ୫.୯ ତୀବ୍ରତାର କମ୍ପନ ମଧ୍ୟ ହୋଇଥିଲା । ଆଫଗାନିସ୍ତାନରେ ଶାସନ କରୁଥିବା ତାଲିବାନ ସରକାରଙ୍କ ଅନୁଯାୟୀ, ଏହି ଭୂକମ୍ପ ଯୋଗୁଁ ଏପର୍ଯ୍ୟନ୍ତ ୨୦୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି, ୯୦୦୦ରୁ ଅଧିକ ଲୋକ ଆହତ ହୋଇଛନ୍ତି ଏବଂ ୧୩୦୦ରୁ ଅଧିକ ଘର ନଷ୍ଟ ହୋଇଯାଇଛି । ଏହି ଭୂକମ୍ପ ଯୋଗୁଁ ମୃତାହତ ଓ ଆହତଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି । ଅନ୍ୟପଟେ ବିଶ୍ବକପ୍‌ ଖେଳିବାକୁ ଭାରତରେ ଥିବା ଆଫଗାନିସ୍ତାନର ଷ୍ଟାର ବୋଲର ରସିଦ ଖାନ ନିଜ ଦେଶବାସୀଙ୍କ ପାଇଁ ବହୁତ ଚିନ୍ତିତ ଅଛନ୍ତି । ତେଣୁ ସେ ତାଙ୍କର ସମସ୍ତ ବିଶ୍ବକପ୍‌ ମ୍ୟାଚ୍‌ ଫି' ପୀଡ଼ିତଙ୍କ ସହାୟତା ପାଇଁ ଦାନ କରିବାକୁ ନିଷ୍ପତ୍ତି ନେଇଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ