ନୂଆଦିଲ୍ଲୀ: ଆଇପିଏଲ ପରିଚାଳନା ପରିଷଦରୁ ଓହରି ଯିବେ ଭାରତୀୟ ଦଳର ପୂର୍ବତନ ସ୍ପିନର ପ୍ରଜ୍ଞାନ ଓଝା ! ତିନି ବର୍ଷ ଧରି ଆଇପିଏଲ ଗଭର୍ଣ୍ଣିରେ ରହିବା ପରେ ବର୍ତ୍ତମାନ ସେ ଛାଡି ପାରନ୍ତି ବୋଲି ଚର୍ଚ୍ଚା ହେଉଛି । ତେଣୁ ଆସନ୍ତାକାଲି(ସୋମବାର) ଗୋଆରେ ଅନୁଷ୍ଠିତ ହେବାକୁଥିବା BCCIର ବାର୍ଷିକ ସାଧାରଣ ବୈଠକରେ ଅନେକ IPL ପରିଚାଳନା ପରିଷଦ ନେଇ ଆଲୋଚନା ହୋଇପାରେ । ସେହିପରି WPL ପାଇଁ ଏକ ନୂତନ ପରିଚାଳନା ପରିଷଦ ଗଠନ ମଧ୍ୟ ହୋଇପାରେ ।
ଏହା ମଧ୍ୟ ପଢନ୍ତୁ-India vs Australia: ଆଜି ଦ୍ବିତୀୟ ଦିନିକିଆ, ଆଗୁଆ ସିରିଜ ଜିତିବା ଲକ୍ଷ୍ୟରେ ଭାରତ
ପ୍ରଜ୍ଞାନ ଓଝା ଆଇପିଏଲ୍ ପରିଚାଳନା ପରିଷଦର ପ୍ରତିନିଧି ରହିଛନ୍ତି । ଏବେ ସେ ଏହି ପଦରୁ ଇସ୍ତଫା ଦେବାକୁ ଚିନ୍ତା କରୁଛନ୍ତି । ପୂର୍ବତନ ସ୍ପିନର ପରିଷଦରେ ଖେଳାଳିଙ୍କ ପ୍ରତିନିଧୀ ଭାବରେ କାର୍ଯ୍ୟ କରିଆସୁଛନ୍ତି । ସେ ଗତ ତିନିବର୍ଷ ଧରି ପରିଷଦରେ କାର୍ଯ୍ୟ କରୁଥିବାବେଳେ ଗତ ବର୍ଷ ଭାରତୀୟ କ୍ରିକେଟ୍ ଆସୋସିଏସନ୍ (ICA) ଦ୍ବାରା ସେ ନିର୍ବାଚିତ ହୋଇଥିଲେ । ସେ ଯଦି ଚାହିଁବେ IPL ପରିଚାଳନା ପରିଷଦର ପ୍ରତିନିଧି ପଦର ସମୟ ସୀମା ବଢ଼ାଇ ପାରିବେ । ଆହୁରି 2ରୁ 3 ବର୍ଷ ସେ ଏହି ପଦବୀରେ ରହିପାରିବେ । କିନ୍ତୁ ସେ ଏହି ପଦରୁ ଓହରିବାକୁ ଚାହୁଁଥିବା କୁହାଯାଉଛି । ଏନେଇ ପ୍ରଜ୍ଞାନଙ୍କ ତରଫରୁ କୌଣସି ସୂଚନା ହସ୍ତଗତ ହୋଇ ନାହିଁ ।
ଏହା ମଧ୍ୟ ପଢନ୍ତୁ-Asian Games Semi Final: ବାଂଲଦେଶକୁ ହରାଇ ଫାଇନାଲରେ ଭାରତୀୟ ମହିଳା ଦଳ, ପଦକ ପକ୍କା
ସୋମବାର BCCIର 92ତମ ସାଧାରଣ ବାର୍ଷିକ ସଭା ଅନୁଷ୍ଠିତ ହେବ । BCCIର 89ତମ ସାଧାରଣ ସଭା ପୂର୍ବରୁ ପ୍ରଜ୍ଞାନ ଓଝାଙ୍କୁ IPL ପରିଚାଳନା ପରିଷଦର ପ୍ରତିନିଧି ଦାୟିତ୍ବ ଦିଆଯାଇଥିଲା । BCCIର ନିୟମ ଅନୁଯାୟୀ ଭାରତୀୟ କ୍ରିକେଟର ଆସୋସିଏସନ ପକ୍ଷରୁ ଆଇପିଏଲ ପରିଚାଳନା ପରିଷଦକୁ ପ୍ରତିବର୍ଷ ଜଣେ ସଦସ୍ୟଙ୍କୁ ମନୋନୀତ କରାଯାଇଥାଏ । ସୁରିନ୍ଦର ଖନ୍ନାଙ୍କ କାର୍ଯ୍ୟକାଳ ଶେଷ ହେବା ପରେ ପ୍ରଜ୍ଞାନ ଓଝାଙ୍କୁ ଏହି ଦାୟିତ୍ବ ଦେବାକୁ ନିଷ୍ପତ୍ତି ହୋଇଥିଲା । ତେବେ ପ୍ରଜ୍ଞାନ ଓଝାଙ୍କ ପରେ କାହାକୁ ଏହି ଦାୟିତ୍ବ ମିଳିବ ତାହା ଉପରେ ସମସ୍ତଙ୍କ ନଜର ।
2020 ଫେବୃଆରୀ ମାସରେ ପ୍ରଜ୍ଞାନ ଓଝା କ୍ରକେଟର ସବୁ ଫର୍ମାଟରୁ ସନ୍ନ୍ୟାସ ନେଇଥିଲେ। ସେ ଭାରତ ପକ୍ଷରୁ 18ଟି ଦିନିକିଆ ମ୍ୟାଚ ଖେଳିଥିବା ବେଳେ 24 ଟେଷ୍ଟ ମ୍ୟାଚ ଖେଳିଛନ୍ତି । ଦିନିକିଆ ମ୍ୟାଚରେ 21ଟି ୱିକେଟ୍ ନେଇଥିବା ବେଳେ ଟେଷ୍ଟ ମ୍ୟାଚରେ 113ଟି ୱିକେଟ ନେଇଥିଲେ ।
