ନୂଆଦିଲ୍ଲୀ: କୋରୋନା ସଂକ୍ରମଣରୁ ସୁସ୍ଥ ହେଲେ ଚେନ୍ନାଇ ସୁପରକିଙ୍ଗ୍ସର ବ୍ୟାଟିଂ କୋଚ ମାଇକ ହସି । ବର୍ତ୍ତମାନ ସେ ଅଷ୍ଟ୍ରେଲିଆ ଗସ୍ତ କରିବାକୁ ପ୍ରସ୍ତୁତ ହେଉଛନ୍ତି । ତେବେ ରିଦ୍ଧିମାନ ଶାହା ବର୍ତ୍ତମାନ ସୁଦ୍ଧା କୋରୋନା ସଂକ୍ରମଣରୁ ସୁସ୍ଥ ହୋଇନାହାନ୍ତି । ଶାହାଙ୍କ ଦୁଇଥର କୋରୋନା ଯାଞ୍ଚ ହୋଇଥିଲା । ଗୋଟିଏ ରିପୋର୍ଟ ପଜିଟିଭ ଆସିଥିବା ବେଳେ ଗୋଟିଏ ରିପୋର୍ଟ ନେଗେଟିଭ ଆସିଛି ।
ମାଇକ ହସି ଭାରତରେ ରହି ସିଧାସଳଖ ଅଷ୍ଟ୍ରେଲିଆ ଗସ୍ତ କରିବେ ବା ମାଳଦୀବ ଗସ୍ତ କରିବେ ସେନେଇ କିଛି ସ୍ପଷ୍ଟ ହୋଇ ପାରିନାହିଁ । ଏହାପୂର୍ବୁର ତାଙ୍କ ଦୁଇଥର ଆରଟିପିସିଆର (RTPCR) ଟେଷ୍ଟ ହୋଇଥିଲା । ହସିଙ୍କ ଦୁଇଟ ରିପୋର୍ଟ ନେଗେଟିଭ ଆସିଛି । ଖୁବଶୀଘ୍ରୀ ସେ ଅଷ୍ଟ୍ରେଲିଆ ଗସ୍ତ କରିବା ନେଇ ସୂଚନା ଦେଇଛନ୍ତି ।
ସେପଟେ ରିଦ୍ଧିମାନ ଶାହାଙ୍କ ମଧ୍ୟ ଦୁଇଥର ଆରଟିପିସିଆର (RTPCR) ଟେଷ୍ଟ ହୋଇଥିଲା । ତେବେ ଗୋଟିଏ ରିପୋର୍ଟ ପଜିଟିଭ ଆସିଥିବା ବେଳେ ଗୋଟିଏ ନେଗେଟିଭ ଆସିଛି । ବର୍ତ୍ତମାନ ସେ ତାଙ୍କର କ୍ବାରେଣ୍ଟିନ ଅବଧି ବଳବତ୍ତର ରହିବ । କୋରୋନାରୁ ସୁସ୍ଥ ହୋଇଥିଲେ ସେ, ମେ’ 25 ତାରିଖରେ ଭାରତୀୟ ଦଳ ସହ ବାୟୋବବଲରେ ଯୋଗ ଦେଇ ପାରିଥାନ୍ତେ ।
ଆଇପିଏଲରେ ଏକାଧିକ କୋରୋନା ସଂକ୍ରମିତ ହେବାପରେ ଏଥିରେ ଯୋଗ ଦେଇଥିବା ସମସ୍ତ ଅଷ୍ଟ୍ରେଲିଆ ଖେଳାଳି ମାଳଦୀପ ଗସ୍ତ କରିଥିଲେ । କେବଳ ମାଇକ ହସି ଭାରତରେ କ୍ବାରେଣ୍ଟିନରେ ରହିଥିଲେ । ମେ 15 ତାରିଖ ଯାଏଁ ଭାରତରୁ ବିମାନ ଯାତ୍ରା ଉପରେ କଟକଣା ଜାରି କରିଛି ଅଷ୍ଟ୍ରେଲିଆ । ଫଳରେ ଅଷ୍ଟ୍ରେଲିଆ ଖେଳାଳି ମାଳଦୀପ ଗସ୍ତ କରିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
