ରାଞ୍ଚି: ନୂଆ ଲୁକ୍ ନେଇ ସୋସିଆଲ ମିଡିଆରେ ଭାଇରାଲ ହେଉଛନ୍ତି ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନୀ । ଅଧିକାଂଶ ସମୟରେ ସୋସିଆଲ ମିଡିଆରେ ଏତେଟା ଆକ୍ଟିଭ ରୁହନ୍ତି ନାହିଁ କ୍ୟାପଟେନ କୁଲ ମହେନ୍ଦ୍ର ସିଂହ ଧୋନୀ । କିନ୍ତୁ ଯେବେ ତାଙ୍କର ସୋସିଆଲ ମିଡିଆ ଆକାଉଣ୍ଟରେ କିଛି ପୋଷ୍ଟ କରିଥାନ୍ତି, ତାହା ଟ୍ରେଣ୍ଡିଂରେ ରହିଥାଏ । ଏଇ ଯେମିତି ସୋସିଆଲ ମିଡିଆରେ ଧୋନୀଙ୍କ ନୂଆ ଲୁକ ଫଟୋ ସେୟାର ହେବାରେ ସେ ଚର୍ଚ୍ଚାରେ ରହିଛନ୍ତି ।
ମହେନ୍ଦ୍ର ସିଂହ ଧୋନୀଙ୍କ ଏହି ଫଟୋରେ ବହୁ ବଲିଉଡ ଅଭନେତା କମେଣ୍ଟ କରି ପ୍ରଶଂସା କରିଛନ୍ତି । ସେଲିବ୍ରିଟି ହେୟାର ଷ୍ଟାଇଲିଷ୍ଟ ଅଲିମ ହାକିମ ଧୋନୀଙ୍କ ଏହି ଫଟୋ ସେୟାର କରିଛନ୍ତି । ନିଜ ହେୟାର ଷ୍ଟାଇଲକୁ ନେଇ ସବୁବେଳେ ଚର୍ଚ୍ଚାରେ ରହି ଆସିଛନ୍ତି ମହେନ୍ଦ୍ର ସିଂହ ଧୋନୀ । ଲମ୍ବା ଚୁଟି ରଖିବାଠାରୁ ଆରମ୍ଭ କରି ବର୍ତ୍ତମାନ ସୁଦ୍ଧା ଧୋନୀଙ୍କ ଷ୍ଟାଇଲକୁ ତାଙ୍କ ଫ୍ୟାନ ବା କ୍ରିକେଟ ପ୍ରେମୀ ସବୁବେଳେ ପସନ୍ଦ କରି ଆସିଛନ୍ତି ।
ଦୁବାଇରେ ହେବାକୁ ଥିବା ଆଇପିଏଲ ୨୦୨୧ର ଅବଶିଷ୍ଟ ମ୍ୟାଚରେ ଧୋନୀଙ୍କୁ ଏହି ନୂଆ ଲୁକରେ ଦେଖିବାକୁ ପାଇବେ କ୍ରିକେଟ ଫ୍ୟାନ । ନୂଆ ହେୟାର ଷ୍ଟାଇଲକୁ ନେଇ ବର୍ତ୍ତମାନ ଟ୍ବିଟରରେ ଟ୍ରେଣ୍ଟିଂରେ ରହିଛନ୍ତି ଧୋନୀ । ବହୁ ୟୁଜର ଧୋନୀଙ୍କ ଏହି ଫଟୋକୁ ସେୟାର କରି ଧୋନୀଙ୍କୁ ପ୍ରଶଂସାରେ ପୋତିଛନ୍ତି । ଖାଲି ସେତିକି ନୁହେଁ ବଲିଉଡ ଅଭିନେତା ସୁନିଲ ସେଟ୍ଟୀ ମଧ୍ୟ ଧୋନୀଙ୍କ ଏହି ନୂଆ ଫଙ୍କି ଲୁକର ପ୍ରଶଂସା କରିଛନ୍ତି ।
୨୦୨୦ ମସିହା ଅଗଷ୍ଟ ୧୫ ତାରିଖରେ ଅନ୍ତର୍ଜାତୀୟ କ୍ରିକେଟରୁ ସନ୍ନ୍ୟାସ ଘୋଷଣା କରିଥିଲେ ମହେନ୍ଦ୍ର ସିଂହ ଧୋନୀ । ଭାରତ ପକ୍ଷରୁ ଧୋନୀ ୩୫୦ଟି ଦିନିକିଆ ମ୍ୟାଚ ଖେଳି ୧୦ ହଜାର ୭୭୩ ରନ ସଂଗ୍ରହ କରିଛନ୍ତି । ସେହିଭଳି ସେ ୯୦ଟି ଟେଷ୍ଟ ମ୍ୟାଚ ଖେଳି ୧୬୧୭ ରନ କରିଥିବା ବେଳେ ୯୮ ଟି-୨୦ ମ୍ୟାଚ ଖେଳି ୪୮୭୬ ରନ ସଂଗ୍ରହ କରିଛନ୍ତି । ତିନୋଟି ଫର୍ମାଟରେ ସେ ବିଶ୍ବ ଚମ୍ପିଆନ ହୋଇଥିବା ସେ ବିଶ୍ବର ଜଣେ ମାତ୍ର ଅଧିନାୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
