ଶାରଜାହ: ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର(RCB) ବିପକ୍ଷ ବିଜୟରେ ପ୍ରମୁଖ ଭୂମିକା ନିଭାଇଥିବା କୋଲକାତା ନାଇଟ ରାଇଡର୍ସ(KKR) ଅଲରାଉଣ୍ଡର ସୁନୀଲ ନାରିନ କହିଛନ୍ତି, ବିରାଟ କୋହଲିଙ୍କ ୱିକେଟ ଦଖଲ କରିବା ଦ୍ବାରା ଆନନ୍ଦ ମିଳିଛି ।
କୋହଲିଙ୍କ ବ୍ୟତୀତ ନାରିନ, ଗ୍ଳେନ ମାକ୍ସୱେଲ, ଏବି ଡିଭିଲିୟର୍ସ ଓ ଶ୍ରୀକର ଭରତଙ୍କ ୱିକେଟ ମଧ୍ୟ ହାସଲ କରିଥିଲେ । ଦୁଇ ଥରର ଚମ୍ପିଆନ୍ ଟିମ କୋଲକାତାକୁ ଗୁରୁତ୍ବପୂର୍ଣ୍ଣ ଏଲିମିନେଟର ମ୍ୟାଚ୍ରେ ୬ ୱିକେଟରେ ବିଜୟୀ କରାଇବାରେ ପ୍ରମୁଖ ଯୋଗଦାନ କରିଥିଲେ ।
ମ୍ୟାଚ୍ ପରେ ନାରିନ କହିଥିଲେ,"ସମସ୍ତ ୱିକେଟର ଆନନ୍ଦ ନେଇଥିଲି ମାତ୍ର କୋହଲିଙ୍କ ୱିକେଟ ହାସଲ କରିବା ଲକ୍ଷ୍ୟ ଥିଲା । ପ୍ରଥମ ବଲ୍ରୁ ପ୍ରସ୍ତୁତ ରହିଥାଏ । କୌଣସି ଦିନ ଆଶା ଅନୁଯାୟୀ ସଫଳ ମିଳେନାହିଁ । ନିଜର ପ୍ରଦର୍ଶନ ଦ୍ବାରା ଟିମ ବିଜୟୀ ହେଲେ ଅଧିକ ଖୁସି ଅନୁଭବ ହୁଏ ।''
KKR କ୍ୟାପଟେନ ଇଆନ ମୋର୍ଗାନ ମଧ୍ୟ ନାରିନ ବୋଲିଂ ସହିତ ବ୍ୟାଟିଂର ପ୍ରଶଂସା କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
