ମୁମ୍ବାଇ: IPL 2022ରେ ଆଜି ଖେଳାଯାଉଛି ୧୪ଶ ମ୍ୟାଚ । ପୁଣେ ଷ୍ଟାଡିୟମରେ ଏହି ମ୍ୟାଚରେ କୋଲକାତା ନାଇଟ ରାଇଡର୍ସକୁ ଭେଟୁଛି ମୁମ୍ବାଇ ଇଣ୍ଡିଆନ୍ସ । ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି KKR । ଏହି ମ୍ୟାଚ୍ରେ ବିଜୟ ହାସଲ କରି ଖାତା ଖୋଲିବାକୁ ଚେଷ୍ଟ କରିବ ମୁମ୍ବାଇ ଦଳ ।
ସେପଟେ KKR ମଧ୍ୟ ବିଜୟ ଧାରାକ ବଜାୟ ରଖିବାକୁ ଚେଷ୍ଟା କରିବ । ଆଜିର ମ୍ୟାଚ୍ ପାଇଁ KKR ଦଳରେ ଦୁଇଟି ପରିବର୍ତ୍ତନ କରାଯାଇଛି । ଟମ୍ ସାଉଦିଙ୍କ ସ୍ଥାନରେ ଫାଷ୍ଟ ବୋଲର ପ୍ୟାଟ୍ କମିନ୍ସଙ୍କୁ ଦଳରେ ସ୍ଥାନ ମିଳିଥିବା ବେଳେ ଶିଭମ ମାଭିଙ୍କ ସ୍ଥାନରେ ରାଶିଖ୍ ସଲାମଙ୍କୁ ଦଳରେ ସ୍ଥାନ ମିଳିଛି ।
ସେପଟେ ଆଜିର ମ୍ୟାଚ୍ପାଇଁ ମୁମ୍ବାଇ ଦଳରେ ମଧ୍ୟ ଦୁଇଟି ପରିବର୍ତ୍ତନ କରାଯାଇଛି । ଅନମୋଲପ୍ରୀତ ସିଂହଙ୍କ ସ୍ଥାନରେ ଦଳରେ ସୂର୍ଯ୍ୟ କୁମାର ଯାଦବଙ୍କୁ ଦଳରେ ସାମିଲ କରାଯାଇଛି । ସେହିଭଳି ଟିମ୍ ଡେଭିଡଙ୍କ ସ୍ଥାନରେ ଡିୱାଲ୍ଡ ବ୍ରେଭିସଙ୍କୁ ଦଳରେ ସାମିଲ କରାଯାଇଛି ।
ମୁମ୍ବାଇ ଇଣ୍ଡିଆନ୍ସ ଚୂଡ଼ାନ୍ତ ଏକାଦଶ
ଇଶାନ କିଶନ, ରୋହିତ ଶର୍ମା (ଅଧିନାୟକ), ସୂର୍ଯ୍ୟକୁମାର ଯାଦବ, ତିଲକ ବର୍ମା, କୈରନ ପୋଲାର୍ଡ, ଡାନିଏଲ ସାମ୍ସ, ଡିୱାଲ୍ଡ ବ୍ରେଭିସ, ମୁରୁଗାନ ଅଶ୍ବିନ, ଜଶପ୍ରୀତ ବୁମ୍ରା, ଟାଇମଲ ମିଲ୍ସ, ବେସିଲ ଥାମ୍ପି
କୋଲକାତା ନାଇଟ ରାଇଡର୍ସ ଚୂଡ଼ାନ୍ତ ଏକାଦଶ
ଆଜିଙ୍କ୍ୟ ରାହାଣେ, ଭେଙ୍କଟେଶ ଆୟର୍, ଶ୍ରେୟସ୍ ଆୟର (ଅଧିନାୟକ), ସାମ୍ ବିଲିଂସ୍, ନୀତୀଶ ରାଣା, ଆନ୍ଦ୍ରେ ରସେଲ, ସୁନୀଲ ନାରିନ, ପ୍ୟାଟ୍ କମିନ୍ସ, ଉମେଶ ଯାଦବ, ରାଶିଖ ସଲାମ, ବରୁଣ ଚକ୍ରବର୍ତ୍ତୀ
ବ୍ୟୁରୋ ରିପୋର୍ଟ, ଇଟିଭି ଭାରତ
