ମୁମ୍ବାଇ(ମହାରାଷ୍ଟ୍ର): ସୋମବାର ସନ୍ଧ୍ୟାରେ ଆଇପିଏଲରେ ଡେବ୍ୟୁ କରିବାକୁ ଯାଉଛନ୍ତି ଦୁଇ ନୂଆ ଟିମ ଲକ୍ଷ୍ନୌ ସୁପର ଜିଆଣ୍ଟସ ଓ ଗୁଜରାଟ ଟାଇଟନ୍ସ । ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯିବାକୁ ଥିବା ଏହି ମ୍ୟାଚ୍ରେ ସମସ୍ତଙ୍କ ନଜର LSG ଓପନିଂ ଯୋଡି କେଏଲ ରାହୁଲ ଓ କ୍ବିଣ୍ଟନ ଡିକକ୍ଙ୍କ ଉପରେ ରହିଛି । ରାହୁଲ ପଞ୍ଜାବ କିଙ୍ଗ୍ସରୁ କ୍ୟାମ୍ପ୍ରୁ ଓ ଡିକକ୍ ମୁମ୍ବାଇ ଇଣ୍ଡିଆନ୍ସ କ୍ୟାମ୍ପ୍ରୁ ନୂଆ IPL ଟିମକୁ ଡିଆଁ ମାରିଛନ୍ତି ।
ଏହାମଧ୍ୟ ପଢନ୍ତୁ: IPL ଆଣୁଛି ନିଯୁକ୍ତି ସୁଯୋଗ, ପାଲଟିଛି ଆତ୍ମନିର୍ଭରର ମାଧ୍ୟମ
ସେହିପରି ଗୁଜରାଟ କ୍ୟାମ୍ପ୍ରେ ମଧ୍ୟ ଅନେକ ସୁପରଷ୍ଟାର ଖେଳାଳିଥିବାରୁ ସମସ୍ତଙ୍କ ନଜର ରହିବ । ମହମ୍ମଦ ସାମି ଓ ଶୁଭମନ ଗିଲ୍ଙ୍କ ଭଳି ଭାରତୀୟ କ୍ରିକେଟର ବଡ ନାମ ରହିଛି । ବିଶେଷକରି ହାର୍ଦ୍ଦିକ ପାଣ୍ଡ୍ୟାଙ୍କ ପ୍ରତ୍ୟାବର୍ତ୍ତନ ଓ ପ୍ରଥମ ଥର ନେତୃତ୍ବ ଶୈଳୀକୁ ଦେଖିବାକୁ ଫ୍ୟାନ୍ସ ଉତ୍ସାହିତ ।
କିମ୍ବଦନ୍ତ୍ରୀ କ୍ରିକେଟର ସୁନୀଲ ଗାଭାସ୍କର କହିଛନ୍ତି, କ୍ବିଣ୍ଟନ ଡିକକ୍ ଓ କେଏଲ ରାହୁଲଙ୍କ ଓପନିଂ ଯୋଡି ଲକ୍ଷ୍ନୌ ପାଇଁ ବରଦାନ ସାବ୍ୟସ୍ତ ହୋଇପାରେ । କାରଣ ଡିକକ୍ ପୂର୍ବରୁ ଦକ୍ଷିଣ ଆଫ୍ରିକା ଟିମର ଅଧିନାୟକ ରହିସାରିଥିବାରୁ ତାଙ୍କ ପାଖରେ ନେତୃତ୍ବ ନେବାର ଅଭିଜ୍ଞତା ରହିଛି । କେଏଲ ରାହୁଲ ମଧ୍ୟ ଭାରତୀୟ ଟିମ ଓ ଆଇପିଏଲର ଷ୍ଟାର ଖେଳାଳି । ପୂର୍ବରୁ ପଞ୍ଜାବର ନେତୃତ୍ବ ନେଉଥିଲେ ରାହୁଲ । ଫଳରେ ଲକ୍ଷ୍ନୌ ନୂଆ ଟିମ ହୋଇଥିବାରୁ ଟିମ ଗଠନ ପ୍ରକ୍ରିୟାରେ ଏହି ଦୁଇ ଖେଳାଳିଙ୍କ ବିଶେଷ ଭୁମିକା ରହିବ ବୋଲି କହିଛନ୍ତି ଗାଭାସ୍କର ।
ଉଭୟ ରାହୁଲ ଓ ଡିକକ୍ ମଧ୍ୟ ଟିମ ପାଇଁ ଭଲ ଆରମ୍ଭ ସହିତ ବଡ ବିଜୟ ଲକ୍ଷରେ ପହଞ୍ଚିବା ଓ ହାସଲ କରିବାରେ ପ୍ରମୁଖ ଭୁମିକା ନିଭାଇପାରନ୍ତି । ଭାରତୀୟ ଖେଳାଳିଙ୍କ ବ୍ୟତୀତ ଦୁଷ୍ମନ୍ତ ଚାମୀରା, ରସିଦ ଖାନ, ଲୋକି ଫର୍ଗୁସନ ଓ ନୁର ଅହମ୍ମଦଙ୍କ ଭଳି ବିଦେଶୀ ତାରକା ମ୍ୟାଚ୍ ବିଜେତା ଖେଳାଳି ରହିଛନ୍ତି ।
ANI
