ହାଇଦ୍ରାବାଦ: ସନ୍ ରାଇଜର୍ସ ହାଇଦ୍ରାବାଦର ପିଛା ଛାଡୁନି ପରାଜୟ । ଟିମର ଭଲ ପ୍ରଦର୍ଶନ ସତ୍ତ୍ବେ ଶେଷ ମୂର୍ତ୍ତରେ ହାତରୁ ଖସି ଯଉଛି ମ୍ୟାଚ୍ । ଗତକାଲି(ଶନିବାର) ପଞ୍ଜାବ୍ କିଙ୍ଗସକୁ ମୁକାବିଲା କରିଥିବା ସନ୍ ରାଇଜର୍ସ ହାଇଦ୍ରାବାଦ୍ ୫ ରନରେ ପୁଣି ପରାଜିତ ହୋଇଛି ।
ଜାସନ୍ ହୋଲ୍ଡରଙ୍କ ଅଲରାଉଣ୍ଡ ପ୍ରଦର୍ଶନ ସତ୍ତ୍ବେ ବିଜୟ ସ୍ବପ୍ନ ହୋଇ ରହିଯାଇଛି ହାଇଦ୍ରାବାଦ ପାଇଁ । ଟସ୍ ଜିତି ହାଇଦ୍ରାବାଦ ପଞ୍ଜାବକୁ ବ୍ୟାଟିଂ ପାଇଁ ନିମନ୍ତ୍ରିତ କରିଥିଲା । ପ୍ରଥମେ ବ୍ୟାଟିଂ କରି ପଞ୍ଜାବ କିଙ୍ଗସ୍ ୭ ୱିକେଟ୍ ହରାଇ ୧୨୫ ରନ୍ ସଂଗ୍ରହ କରିଥିଲା । ଏହାର ଜବାବରେ ସନରାଇଜର୍ସ ୭ ୱିକେଟ ହରାଇ ୧୨୦ ରନ୍ କରିବାକୁ ସକ୍ଷମ ହୋଇଥିଲା । ତେବେ ୯ଟି ମ୍ୟାଚରୁ ୮ଟିରେ ପରାଜୟ ହୋଇ ହାଇଦ୍ରାବାଦର ପ୍ଲେ-ଅଫ୍ ଆଶା ମଉଳି ଯାଇଛି । ଅନ୍ୟପଟେ ପଞ୍ଜାବ କିଙ୍ଗସ୍ ୪ର୍ଥ ବିଜୟ ସହ ମୋଟ ୮ ପଏଣ୍ଟ ହାସଲ କରିଛି । ଏହି ବିଜୟ ସହ ପଞ୍ଜାବ କିଙ୍ଗସ ପଏଣ୍ଟ ତାଲିକାର ୫ମକୁ ଉଠିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
