ମୁମ୍ବାଇ: ଚଳିତ IPLରେ ଗୁଜୁରାଟ ଟାଇଟନ୍ସର ଦମଦାର ପ୍ରଦର୍ଶନ । ଆଇପିଏଲର ୧୬ତମ ମ୍ୟାଚ୍ରେ ହ୍ୟାଟ୍ରିକ ବିଜୟ ହାସଲ କଲା ଗୁଜୁରାଟ ଟିମ୍ । ଗତକାଲି ଖେଳାଯାଇଥିବା ମ୍ୟାଚରେ ପଞ୍ଜାବ କିଙ୍ଗ୍ସକୁ ୬ ଓ୍ବିକେଟରେ ହରାଇ ଚଳିତ ଆଇପିଏଲର ତୃତୀୟ ବିଜୟ ହାସଲ କରିଛି ଦଳ । ପ୍ରଥମେ ବ୍ୟାଟିଂ କରିଥିବା ପଞ୍ଜାବ ନିର୍ଦ୍ଧାରିତ ୨୦ ଓଭରରେ ୯ ୱିକେଟ ହରାଇ ଗୁଜୁରାଟକୁ ୧୯୦ ରନର ଟାର୍ଗେଟ ଦେଇଥିଲା । ଫଳରେ ଗୁଜୁରାଟ ୨୦ ଓଭରରେ ୪ ଓ୍ବିକେଟ ହରାଇ ୧୯୦ରେ ବିଜୟୀ ହୋଇଥିଲା । ପଞ୍ଜାବର ବୋଲର ଓଡିଅନ ସ୍ମିଥଙ୍କ ଶେଷ ୨ବଲରେ ଛକା ମାରି ରାହୁଲ ମ୍ୟାଚ ଛଡାଇ ଆଣିଥିଲେ ।
ଗୁଜୁରାଟ ଦଳ ପକ୍ଷରୁ ସର୍ବାଧିକ ଶୁବମନଗିଲ ୫୯ ବଲରେ ସର୍ବାଧିକ ୯୬ ରନ କରି ଶତକରୁ ବଞ୍ଚିତ ରହିଥିବା ବେଳେ ସାଇ ସୁଦରର୍ଶନ ୩୦ ବଲରେ ୩୫ ରନ ଓ ହାର୍ଦ୍ଦିକ ପାଣ୍ଡ୍ୟା ୧୮ ବଲରେ ୨୭ ରନ କରି ଦଳକୁ ବିଜୟୀ କରିଥିଲେ । ଗତକାଲି ମୁମ୍ବାଇର ବ୍ରାବର୍ଣ୍ଣ ଷ୍ଟାଡିୟମରେ ଖେଳାଯାଇଥିଲା ଏହି ମ୍ୟାଚ ।
