ଆବୁଧାବି: ଆଇପିଏଲର 13ତମ ସଂସ୍କରଣରେ ଆଜି(ଶନିବାର) ଦୁଇଟି ମ୍ୟାଚ ରହିଛି । ଶୈଖ ଜାଏଦ ଷ୍ଟାଡିୟମ ଆବୁଧାବିରେ, ପ୍ରଥମ ମ୍ୟାଚ କୋଲକାତା ନାଇଟ ରାଇଡର୍ସ ଓ କିଙ୍ଗ୍ସ ଇଲେଭେନ ପଞ୍ଜାବ ମଧ୍ୟରେ ଖେଳାଯାଉଛି । ପ୍ରଥମ ଟସ ଜିତି କୋଲକାତା ନାଇଟ ରାଇଡର୍ସ କ୍ୟାପଟେନ ଦିନେଶ କାର୍ତ୍ତିକ ବ୍ୟାଟିଂ ନିଷ୍ପତ୍ତି ନେଇଛନ୍ତି ।
ଦ୍ବିତୀୟ ମ୍ୟାଚ ଚେନ୍ନାଇ ସୁପର କିଙ୍ଗ୍ସ ଓ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ଖେଳାଯିବ ।
ଆଜିର ମ୍ୟାଚ କିଙ୍ଗ୍ସ ଇଲେଭେନ ପଞ୍ଜାବ ପାଇଁ ଗୁରୁତ୍ବପୂର୍ଣ୍ଣ ରହିଛି । କେଏଲ ରାହୁଲଙ୍କ ଟିମ 6ଟି ମ୍ୟାଚରୁ 5ଟି ପରାଜୟ ସହ ପଏଣ୍ଟ ଟେବୁଲର ଶେଷରେ ରହିଛି । ଫଳରେ ଟୁର୍ଣ୍ଣାମେଣ୍ଟରେ ପ୍ଲେ ଅଫ ଆଶା ପାଇଁ ଆଜିର ମ୍ୟାଚରେ ନିଶ୍ଚିନ୍ତ ବିଜୟ ଲକ୍ଷ୍ୟରେ ଆବଶ୍ୟକ କରୁଛି ।
କିଙ୍ଗ୍ସ ଇଲେଭେନ ପଞ୍ଜାବ ଚୂଡାନ୍ତ ଏକାଦଶ : କେଏଲ ରାହୁଲ(କ୍ୟାପଟେନ), ମନଦୀପ ସିଂ, କ୍ରିସ ଜୋର୍ଡାନ, କରୁଣ ନାୟର, ରବି ବିଷ୍ଣୋଇ, ଆର୍ଶଦୀପ ସିଂ, ଗ୍ଳେନ ମାକ୍ସୱେଲ, ମୁଜୀବ ଅର-ରେହମାନ, ମୟଙ୍କ ଅଗ୍ରୱାଲ, ମହମ୍ମଦ ସାମି, ନିକୋଲାସ ପୁରୋନ ।
କୋଲକାତା ନାଇଟ ରାଇଡର୍ସ ଚୂଡାନ୍ତ ଏକାଦଶ : ରାହୁଲ ତ୍ରିପାଠୀ, ଶୁଭମନ ଗିଲ, ନିତୀଶ ରାଣା, ସୁନୀଲ ନାରିନ, ଦିନେଶ କାର୍ତ୍ତିକ(କ୍ୟାପଟେନ/ୱିକେଟ କିପର), ଇଆନ ମୋର୍ଗାନ, ଆନ୍ଦ୍ରେ ରସେଲ, ପାଟ କମିନ୍ସ, ବରୁଣ ଚକ୍ରବର୍ତ୍ତୀ, କମଲେଶ ନାଗରକୋଟି, ପ୍ରସିଦ୍ଧ କ୍ରୀଷ୍ଣା ।
ବ୍ୟୁରୋ ରିପୋର୍ଟ, ଇଟିଭି ଭାରତ
