ଦୁବାଇ: ଭାରତୀୟ ବ୍ୟାଟ୍ର ଶ୍ରେୟସ ଆୟର ସୋମବାର ICC ପ୍ଲେଆର ଅଫ୍ ଦ ମନ୍ଥ (player of the month) ପୁରସ୍କାର ବିଜେତା ହୋଇଛନ୍ତି । ଆୟରଙ୍କୁ ଫେବୃଆରୀ ମାସ ପାଇଁ ଚୟନ କରାଯାଇଛି । UAEର ଭ୍ରିତ୍ୟ ଅରବିନ୍ଦ ଓ ନେପାଳର ଦୀପେନ୍ଦ୍ର ସିଂହ ଏରିଙ୍କୁ ପଛରେ ପକାଇ ଏହି ପୁରସ୍କାର ହାତେଇଛନ୍ତି ଆୟର ।
-
Unveiling the ICC Players of the Month for February 2022 👀
— ICC (@ICC) March 14, 2022 " class="align-text-top noRightClick twitterSection" data="
⬇️ ⬇️ ⬇️
">Unveiling the ICC Players of the Month for February 2022 👀
— ICC (@ICC) March 14, 2022
⬇️ ⬇️ ⬇️Unveiling the ICC Players of the Month for February 2022 👀
— ICC (@ICC) March 14, 2022
⬇️ ⬇️ ⬇️
ଫେବୃଆରୀ ମାସରେ ଖେଳାଯାଇଥିବା ୱେଷ୍ଟଇଣ୍ଡିଜ ଓ ଶ୍ରୀଲଙ୍କା ବିପକ୍ଷ ହ୍ବାଇଟ୍ ବଲ୍ ଘରୋଇ ସିରିଜରେ ଆୟର ଚମତ୍କାର ପ୍ରଦର୍ଶନ କରିଥିଲେ । ୱେଷ୍ଟଇଣ୍ଡିଜ ବିପକ୍ଷ ତୃତୀୟ ଦିନିକିଆ ମ୍ୟାଚ୍ରେ ମ୍ୟାଚ୍ ବିଜୟୀ ୮୦ ରନ୍ର ଇଂନିସ ଖେଳିଥିଲେ ଶ୍ରେୟସ । ଫଳରେ ଇଣ୍ଡିଜ ବିପକ୍ଷ ସିରିଜକୁ ୩-୦ରେ ଜିତିନେଇଥିଲା ଭାରତ । ସେହିପରି କୋଲକାତା ଟି-୨୦ରେ ୧୬ ବଲ୍ରୁ ଗୁରୁତ୍ବପୂର୍ଣ୍ଣ ୨୫ ରନ୍ର ଦ୍ରୁତ ଇଂନିସ ମଧ୍ୟ ଖେଳିଥିଲେ ଓ ୩-୦ ସିରିଜ କ୍ଳିନସୁଇପରେ ପ୍ରମୁଖ ଭୁମିକା ନିଭାଇଥିଲେ ।
ଶ୍ରୀଲଙ୍କା ବିପକ୍ଷ ଟି-୨୦ ସରିଜରେ ଖେଳିଥିବା ୩ଟି ଇଂନିସରେ ଅପରାଜିତ ରହିବା ସହ ୧୭୪.୩୬ ଷ୍ଟ୍ରାଇକ ରେଟ୍ରେ ୨୦୪ ରନ୍ ସଂଗ୍ରହ କରିଥିଲେ । ୩ଟି ମ୍ୟାଚ୍ରେ ଯଥାକ୍ରମେ ୨୮ ବଲ୍ରୁ ୫୭, ୪୪ ବଲ୍ରୁ ୭୪ ଓ ୪୫ ବଲ୍ରୁ ୭୩ ରନ୍ର ଇଂନିସ ଖେଳିଥିଲେ । ମୋଟ ୨୦ଟି ଚୌକା ଓ ୭ଟି ଛକା ସହ ସିରିଜର ଶ୍ରେଷ୍ଠ ଖେଳାଳି ରହିଥିଲେ ।
IANS
