ହାଇଦ୍ରାବାଦ: 2019 ମସିହା ନଭେମ୍ବର ପରେ ବିରାଟ କୋହଲି ଅନ୍ତର୍ଜାତୀୟ କ୍ରିକେଟରେ ଶତକ ହାସଲ କରିନାହାଁନ୍ତି । ଏହା ସହିତ ସେ ଏବେ ଭଲ ଫର୍ମରେ ମଧ୍ୟ ନାହାଁନ୍ତି । ୧୯୮୩ ମସିହାର ବିଶ୍ବକପ ବିଜେତା ତଥା କିମ୍ବଦନ୍ତୀ ଅଲରାଉଣ୍ଡର କପିଲ ଦେବଙ୍କ ମତାମତ ହେଉଛି ସ୍ପିନର ରବିଚନ୍ଦ୍ରନ ଅଶ୍ବିନଙ୍କୁ ଯଦି ଟେଷ୍ଟ ଦଳରେ ସ୍ଥାନ ମିଳୁନି ତାଙ୍କୁ ବିଶ୍ରାମ ମିଳୁଛି ତାହେଲେ ବିରାଟ କୋହଲିଙ୍କୁ ମଧ୍ୟ ଦଳରେ ସ୍ଥାନ ନ ଦେଇ ବିଶ୍ରାମ ଦେବା ଦରକାର । ଏହା ସହିତ କପିଲ ଦେବ କହିଛନ୍ତି, "ଯଦି ବିଶ୍ବର ୨ ନମ୍ବର ବୋଲର ବାଦ ପଡୁଛନ୍ତି ତ ବିଶ୍ବର ୧ ନମ୍ବର ବ୍ୟାଟରଙ୍କୁ ମଧ୍ୟ ଦଳରେ ସ୍ଥାନ ନ ଦେବା ଦରକାର ।"
ବିରାଟ କୋହଲି ଜଣେ ଦକ୍ଷ ଖେଳାଳି । ହେଲେ ଏବେ ସେ ଭଲ ଫର୍ମରେ ନାହାଁନ୍ତି । ଏହାର ମାନେ ନୁହଁ ଯେ ସେ ଆଗକୁ ଭଲ ଖେଳିବେ ନାହିଁ । ଏହି ଖେଳ ମାଧ୍ୟମରେ ସେ ତାଙ୍କ ପୂର୍ବ ସ୍ଥିତିକୁ ଫେରି ଆସିବେ । ଯେତେବେଳେ ସେ ତାଙ୍କ ଫର୍ମରେ ରହିବେ ସେତେବେଳେ ତାଙ୍କୁ ଆଉ ଦଳରୁ ବାଦ ଦେଇ ହେବ ନାହିଁ । ଯଦି ଫର୍ମରେ ନ ଥାଇ ବିରାଟଙ୍କୁ ସ୍ଥାନ ମିଳୁଛି ତାହେଲେ ଅଶ୍ବିନଙ୍କୁ କଣ ପାଇଁ ସ୍ଥାନ ମିଳୁନି ।
ବିରାଟ କୋହଲିଙ୍କ ବର୍ତ୍ତମାନ ପ୍ରଦର୍ଶନ ଏବଂ ଯୁବ ଖେଳାଳିଙ୍କ ପ୍ରଦର୍ଶନକୁ ଦୃଷ୍ଟିରେ ରଖି କପିଲ ଦେବ କହିଛନ୍ତି ବିରାଟ କୋହଲି ନିଜ ପରିଶ୍ରମ ଓ ସଂଘର୍ଷରେ ତାଙ୍କ ନାମ କମାଇଛନ୍ତି । ହେଲେ ବିରାଟଙ୍କୁ ଏବେ ସେମିତି ଫର୍ମ ତଥା ବିରାଟଙ୍କର ଏବେ ପୂର୍ବ ପ୍ରଦର୍ଶନ ଦେଖିବାକୁ ମିଳିୁନି ଯେଉଁ ପ୍ରଦର୍ଶନ ଆଗରୁ ଦେଖିବାକୁ ମିଳୁଥିଲା ।
ଯୁବ ଖେଳାଳି ଏବଂ ବିରାଟ କୋହଲିଙ୍କ ମଧ୍ୟରେ ଜୋରଦାର ଲଢେଇ ଜାରି ରହୁ । ଯୁବ ଖେଳାଳି ଏମିତି ପ୍ରଦର୍ଶନ ଜାରି ରଖନ୍ତୁ ଯେମିତି ବିରାଟଙ୍କୁ ଦଳରେ ସ୍ଥାନ ନ ମିଳୁ । ସେହିପରି ବିରାଟ କୋହଲି ଏମିତି ପ୍ରଦର୍ଶନ କରନ୍ତୁ ଯାହା ସେ ଆଗରୁ ଏକ ନମ୍ବର ବ୍ୟାଟର ଭାବରେ ପ୍ରଦର୍ଶନ ଜାରି ରଖିଥିଲେ । ଖେଳାଳିଙ୍କୁ ବିନା କାରଣରେ ବିଶ୍ରାମ ଦେବା କିମ୍ବଦନ୍ତୀ ଅଲରାଉଣ୍ଡର କପିଲ ଦେବଙ୍କୁ ପସନ୍ଦ ନଥିଲା । ତେଣୁ କପିଲ ଦେବ ଖେଳାଳିଙ୍କୁ ବିଶ୍ରାମ ଦେବା ପଛରେ ତର୍କ କରିବାକୁ ଚାହୁଁଥିଲେ ।
