U-19 ବିଶ୍ବକପ୍‌ ପାଇଁ ସେଡ୍ୟୁଲ ଜାରି କଲା ICC, ୨୦ ଜାନୁଆରୀରୁ ଅଭିଯାନ ଆରମ୍ଭ କରିବ ଭାରତ

U19 Cricket World Cup 2024: U-19 ବିଶ୍ବକପ୍‌ ୨୦୨୪ ପାଇଁ ସେଡ୍ୟୁଲ ଜାରି କଲା ICC । ୨୦୨୪ ଜାନୁଆରୀ ୧୯ରେ ଉଦ୍‌ଘାଟନୀ ମ୍ୟାଚ୍‌ରେ ୱେଷ୍ଟଇଣ୍ଡିଜକୁ ଭେଟିବ ଆୟୋଜକ ଦକ୍ଷିଣ ଆଫ୍ରିକା । ୨୦ ଜାନୁଆରୀରେ ବ୍ଲୋଏମଫୋଣ୍ଟେନ ଠାରେ ବାଂଲାଦଶ ସହ ପ୍ରଥମ ମ୍ୟାଚ୍‌ ଖେଳି ଅଭିଯାନ ଆରମ୍ଭ କରିବ ଟିମ୍‌ ଇଣ୍ଡିଆ । ଅଧିକ ପଢ଼ନ୍ତୁ

ହାଇଦ୍ରାବାଦ: ପୁଣି ଏକ ବିଶ୍ବକପ୍‌ ନେଇ ସେଡ୍ୟୁଲ ଜାରି କଲା ଆଇସିସି । କ୍ରିକେଟ୍‌ ପ୍ରେମୀଙ୍କ ପାଇଁ ଆସିଛି ଆଉ ଏକ ଖୁସି ଖବର । ୨୦୨୪ ଆଇସିସି U-19 ପୁରୁଷ କ୍ରିକେଟ ବିଶ୍ବକପ୍‌ ପାଇଁ ସେଡ୍ୟୁଲ ଜାରି କରିଛି ଆଇସିସି । ଏହି ଆଇସିସି ଇଭେଣ୍ଟ ଖେଳିବାକୁ ଥିବା ୧୬ ଦଳ ପାଇଁ ଏହି ସେଡ୍ୟୁଲ ଜାରି ହୋଇଛି । ୨୦୨୪ ଜାନୁଆରୀ ୧୯ରେ ଉଦ୍‌ଘାଟନୀ ମ୍ୟାଚ୍‌ରେ ୱେଷ୍ଟଇଣ୍ଡିଜକୁ ଭେଟିବ ଆୟୋଜକ ଦକ୍ଷିଣ ଆଫ୍ରିକା । ସେହିଭଳି ୨୦ ଜାନୁଆରୀରେ ବ୍ଲୋଏମଫୋଣ୍ଟେନ ଠାରେ ୨୦୨୦ U-19 ବିଶ୍ବକପ୍‌ ବିଜେତା ବାଂଲାଦଶ ସହ ପ୍ରଥମ ମ୍ୟାଚ୍‌ ଖେଳି ଅଭିଯାନ ଆରମ୍ଭ କରିବ ଟିମ୍‌ ଇଣ୍ଡିଆ ।

• Ready to see the stars of the future? 🌟
  
  Full schedule for the ICC U19 Men's Cricket World Cup 2024 in South Africa 👇https://t.co/7Hf9j5HZ6w

  — ICC (@ICC) December 12, 2023 " class="align-text-top noRightClick twitterSection" data="

  Ready to see the stars of the future? 🌟
  
  Full schedule for the ICC U19 Men's Cricket World Cup 2024 in South Africa 👇https://t.co/7Hf9j5HZ6w

  — ICC (@ICC) December 12, 2023

  ">

  Ready to see the stars of the future? 🌟
  
  Full schedule for the ICC U19 Men's Cricket World Cup 2024 in South Africa 👇https://t.co/7Hf9j5HZ6w

  — ICC (@ICC) December 12, 2023

ଆଇସିସି ଜାରି କରିଥିବା ସେଡ୍ୟୁଲ ଅନୁସାରେ U-19 ପୁରୁଷ କ୍ରିକେଟ୍‌ ବିଶ୍ବକପ୍‌ରେ ମୋଟ ୪୧ଟି ମ୍ୟାଚ୍‌ ଖେଳାଯିବ । ଆୟୋଜକ ଦକ୍ଷିଣ ଆଫ୍ରିକାର ୫ଟି ଭେନ୍ୟୁରେ ଏହି ସମସ୍ତ ମ୍ୟାଚ୍‌ ଖେଳାଯିବ । ଜାନୁଆରୀ ଓ ଫେବୃଆରୀ ମାସ ମଧ୍ୟରେ ତିନି ସପ୍ତାହରୁ ଅଧିକ ସମୟ ଧରି ଏହି ହାଇପ୍ରୋଫାଇଲ୍‌ ଟୁର୍ଣ୍ଣାମେଣ୍ଟ ଖେଳାଯିବ । ଏଥର ୧୯ ବର୍ଷରୁ କମ୍‌ ବର୍ଗର ବିଶ୍ବକପ୍‌ର ୧୫ତମ ସଂସ୍କରଣ ଖେଳାଯିବ । ୱେଷ୍ଟ୍‌ଇଣ୍ଡିଜରେ ଖେଳାଯାଇଥିବା ୨୦୨୨ ସଂସ୍କରଣରେ ଭାରତ ଚମ୍ପିଆନ୍‌ ହୋଇଥିଲା । ଏଥର ଗ୍ରୁପ-ଏ'ରେ ସ୍ଥାନ ପାଇଛି ଟିମ୍‌ ଇଣ୍ଡିଆ । ଏହି ଗ୍ରୁପ୍‌ରେ ଭାରତ ସହିତ ରହିଛନ୍ତି ବାଂଲାଦେଶ, ଆୟର୍‌ଲ୍ୟାଣ୍ଡ ଏବଂ ୟୁଏସ୍‌ । ୫ ଥର U-19 ବିଶ୍ବକପ୍‌ ଟାଇଟଲ ଜିତିଥିବା ଭାରତ ଏଥର ୬ଷ୍ଠ ଥର ଚମ୍ପିଆନ୍‌ ହୋଇ ରେକର୍ଡ କରିବା ଲକ୍ଷ୍ୟରେ ରହିଛି ।

ଅନ୍ୟପଟେ ଗ୍ରୁପ-ବି'ରେ ଆୟୋଜକ ଦକ୍ଷିଣ ଆଫ୍ରିକା ସ୍ଥାନ ପାଇଛି । ଏହି ଗ୍ରୁପ୍‌ରେ ଇଂଲଣ୍ଡ, ୱେଷ୍ଟଇଣ୍ଡିଜ ଓ ସ୍କଟ୍‌ଲ୍ୟାଣ୍ଡ ମଧ୍ୟ ରହିଛନ୍ତି । ଅଷ୍ଟ୍ରେଲିଆ, ଶ୍ରୀଲଙ୍କା, ଜିମ୍ବାୱେ ଓ ନାମ୍ବିଆ ଗ୍ରୁପ-ସି'ରେ ସ୍ଥାନ ପାଇଥିବାବେଳେ ଗ୍ରୁପ-ଡି'ରେ ଅଛନ୍ତି ଆଫଗାନିସ୍ତାନ, ପାକିସ୍ତାନ, ନ୍ୟୁଜିଲାଣ୍ଡ ଏବଂ ନେପାଳ । ପ୍ରତି ଗ୍ରୁପର ଶୀର୍ଷ ତିନୋଟି ସ୍ଥାନରେ ରହିଥିବା ଦଳ ଗୁଡ଼ିକ 'ସୁପର ସିକ୍ସ' ପର୍ଯ୍ୟାୟକୁ ଯୋଗ୍ୟତା ଅର୍ଜନ କରିବେ । ଦକ୍ଷିଣ ଆଫ୍ରିକାର ବେନୋନି ଠାରେ ଖେଳାଯିବ ଫାଇନାଲ ମ୍ୟାଚ୍‌ । ଦକ୍ଷିଣ ଆଫ୍ରିକା ଚଳିତ ଥର ତୃତୀୟ ଥର ପାଇଁ U-19 ବିଶ୍ବକପ୍‌ ଆୟୋଜନ କରିବ । ଏହା ପୂର୍ବରୁ ୧୯୯୮ ଓ ୨୦୨୦ ସଂସ୍କରଣ ଆୟୋଜନ କରିଥିଲା ଦକ୍ଷିଣ ଆଫ୍ରିକା ।

ବ୍ୟୁରୋ ରିପୋର୍ଟ, ଇଟିଭି ଭାରତ